Акциз солиғи ставкалари 022 йил июндан ўртача 10 фоизга индексация

3.1.2 Акциз солиғи
Акциз солиғи ставкалари 2022 йил 1 июндан ўртача 10 фоизга индексация
қилинмоқда.
Тамаки маҳсулотлари импортига акциз солиғи ставкаси 2022 йил
1 январдан 10 фоизга, алкоголь маҳсулотлари импортига 2022 йил 1 июндан
10 фоизга пасайтирилмоқда.
2022 йил 1 январдан алоҳида турдаги тамаки маҳсулотларига (чилим учун
тамаки, чекиладиган, ўрама тамаки, қиздириладиган тамаки, никотинли
тамакисиз снюс, таркибида никотин мавжуд бўлган суюқлик) импортига акциз
солиғи ставкаси 10 фоизга индексация қилинмоқда.
Республикада ишлаб чиқарилган ва импорт қилинган бензин учун ягона
солиқ ставкаси белгиланмоқда. Суюлтирилган газга акциз солиғи ставкаси бекор
қилинмоқда (амалда 30 фоиз).
Полиэтилен гранулаларига акциз солиғи ставкаси 20 фоиздан 10 фоизгача
пасайтирилиши белгиланмоқда, шунингдек, полиэтилен гранулалар импортида
ҳам акциз солиғи жорий қилинмоқда.
Бюджетномада полиэтилен гранулалари учун акциз солиғи ставкасини
20 фоиздан 10 фоизгача пасайтириш ҳамда импортида акциз солиғини жорий
қилишни сабаблари аниқ ҳисоб-китоблар билан асослантирилмаган.
Жумладан республикамиздаги ишлаб чиқариш қувватлари ва уларнинг
ҳақиқий ишлаб чиқариш ҳажмлари, ички бозорда ушбу маҳсулотларга бўлган
талаб ва таклифларнинг кўрсаткичлари, олдинги даврларда амалга оширилган
импорт ва экспорт миқдорлари ҳамда ички бозордаги кутилаётган эҳтиёжлар
миқдорлари ёки бошқа омиллар кўрсатиб берилмаган.
Тавсия:
Полиэтилен гранулалари учун акциз солиғи ставкасини 20 фоиздан
10 фоизгача пасайтириш ҳамда импортида акциз солиғини жорий қилишни
сабаблари, жумладан республикамиздаги ишлаб чиқариш қувватлари ва
уларнинг ҳақиқий ишлаб чиқариш ҳажмлари, ички бозорда ушбу маҳсулотларга
бўлган талаб ва таклифларнинг кўрсаткичлари, олдинги даврларда амалга
оширилган импорт ва экспорт миқдорлари, нархлари ҳамда ички бозордаги
кутилаётган эҳтиёжларни аниқ кўрсатиб бериш мақсадга мувофиқ.