Akbarova Gulhayo Oybekovna

UDK 37.02
Akbarova Gulhayo Oybekovna
Andijon davlat universitetining Pedagogika instituti
Informatika va aniq fanlarni o’qitish metodikasi kafedrasi o’qituvchisi
Andijon, O’zbekiston
[e-mail]
Didaktika : sabablar va omillar
Annotatsiya: Ushbu maqolada didaktika,bilish jarayonining metodologik asoslarini ko’rishimiz mumkin. Shuningdek, mavzularni innovatsion yondashuv asosida o‘qitishda uning pedagogik mexanizmini yaratish uchun belgilangan asosiy vazifalar keltirilgan.
Kalit so’zlar: didaktika, bilish , metodologiya, ta’lim jarayoni, bilish jarayonining bosqichlari.
Akbarova Gulkhayo Oybekovna
Pedagogical Institute of Andijan State University, Andijan, Uzbekistan.
Lecturer at the department of Informatics and methods of teaching science
[e-mail]
Didactics: causes and factors
Annotation: In this article we can see the didactics, the methodological basis of the learning process.It also outlines the main tasks for creating an pedagogical mechanism fot teaching topics based on an innovative approach .
Keywords: didactics, to know, methodology, learning process, stages of the cognitive process


Didaktika sabablar va omillar
Didaktika -ta'lim jarayonining umumiy qonuniyatlarini o`rganuvchi bo’limidir. ‘‘Didaktika” grekcha so`z bo`lib, «Didayko» - o`qitish, «Didaskol»-o`rgatuvchi degan ma’nolarni bildiradi.
«Didaktika» ning asl tarjimasi ta'lim nazariyasini anglatadi. Ta'lim nazariyasi ta'lim jarayonining tushunchasi va mohiyatini, ta'lim qoidalarini, uslublari va tashkiliy shakllarini o`z ichiga oladi. Didaktika o`z oldiga o`qitishning o`quvchilarni har tomonlama tarbiyalash maqsadlariga javob beruvchi umumiy qonuniyatlarini o’rganish vazifasini qo`yadi. Ta'limning asosiy vazifasi yosh avlodni ilmiy bilimlar, ko`nikma va malakalar tizimi bilan qurollantirishdan iborat.
Demak, didaktika pedagogikaning «nimaga o`qitish», «nimani o`qitish» va «qanday o`qitish» kabi savollariga javob izlaydi. Umumiy didaktika esa, o`z navbatida, ayrim o`quv fanlariga oid usullar bilan juda mustahkam bog`lanadi. Shu usullar ma'lumotiga tayanib, o`qitishining umumiy qonuniyatlarini yechib boradi va ayni vaqtda har bir o`quv fanini o`qitish usullari uchun umumiy asos bo`lib xizmat qiladi. [1]