Академик маҳмуд мирзаев номли боғдорчилик, узумчилик ва виночилик илмий-тадқИҚот институти

Унаби зараркунандаси
. 
Асосан унаби пашшаси мевасини зарарлайди. Ҳимоя чоралари олиб 
борилмаса пашшанинг личинкаси (қурти) 90-95% ҳосилини нобуд қилади. 
Пашшанинг танаси тилларанг туклар билан қопланган. Июннинг ўрталарида 
уча бошлайди, бу муддат чилонжийданинг гулдан чиқиши ва мева 
тугунчалари пайдо бўлишига тўғри келади. Меванинг пўстини тешиб ичига 
тухум қўяди, ҳашорат серпушт – 50 тагача тухум қўяди. Личинкасидан 
зарарланган мевалари ривождан қолади, етилмасдан тўкилади. Пашшанинг 
авжи учган даврида (тахминан 15-25 июн) унаби дарахтларига олма қуртига 
қарши қўлланиладиган препаратлардан бири пуркалади: БИ-58 (данадим, 
нугор) ѐки карбофос (фуфанон), ѐки Золон 100 л сувда 200-250 мл эритиб 
сепилади, ѐки Суми-альфа 50 мл, ѐки Циперфос, Нурелл 100 мл, ѐки Циракс 
ѐки Циперметрин 30-40 мл, Карате 40-50 мл ва б. Дарахт атрофидаги тупроқ 
ағдариб чопилади, қуртлаб тўкилган меваларни йиғиб кўмиб ташланади. 
Мазкур тавсия БУваВИТИ Самарқанд филиали маълумотлари асосида 
қисман янгиланган ҳолда қ.ҳ.ф. номзодлари Ў.Набиев ва Б.Мирзоҳидовлар 
томонидан тузилди.