Академик маҳмуд мирзаев номли боғдорчилик, узумчилик ва виночилик илмий-тадқИҚот институти

Ёш чилонжийда боғини парваришлаш
. Мунтазам суғориб турилади, 
тупроқ етилиши билан юмшатилади. Ўзлаштирилган бўз тупроқларда 
биринчи йиллар ѐш боғ 500-600 м³ сув сарфи билан мавсумда 8-12 марта 
суғорилади, қумли-шағалли ерларда суғориш сони 16-20 мартага етказилади. 
Сув танқис ерларда камида 4-6 марта суғорилади, нам сақлаш учун 
дарахт атрофи қипиқ, сомон, поҳол билан ѐпилади. Биринчи йил парваришида 
танасидан ва илдиз атрофидан чиққан новдалар олиб ташланади. 
Чилонжийдага косасимон шакл берган мақул, биринчи шохлар танасининг 
50-70 см баландлигида қолдирилади, кейингилари олдинги шохдан 10-12 см, 
яъни биринчи шохдан бошлаб учинчи, бешинчи ва етинчи шохлар қолиб 
иккинчи, тўртинчи ва олтинчи шохлар олиб ташланади. Улар эркин ўсиши 
учун тўртинчи шохдан кейин бош новда кесиб ташланади, қолган бўлажак 

---

она шохлар 2-3 бўғимгача қисқартирилади. Мавсум давомида ортиқча кўп 
новдалар олиб ташланади. 
Ҳосилли боғнинг парвариши
. Дарахтлар яхши ривожлана бошлагач 
учинчи йилдан бошлаб боғни заҳира сувидан ташқари 4-6 мартагача суғорса 
ҳам бўлади. Беш-олти ѐшли боғлар суғориш меъѐри 1 гектарга 800-1200 м³, 
шағалли ерларда эса 600 м³ гача бўлиши керак. Ёш боғларнинг қатор 
ораларига чопиқ экинлар экилгани мақул. Бунда албатта қўшимча органик ва 
минерал ўғитлар билан озиқлантириб туриш зарур. Тўрт ѐшдан ошган унаби 
боғига ўғитлар тўлиқ берилади. Хар икки йилда 1 гектар боғга 30-40 тонна 
органик ўғити (гўнг) солинади. Минерал ўғитлар ҳам бошқа боғларга ўхшаб 
тўлиқ меъѐрда берилади . 
Ҳосилли дарахтларни буташда шаклини сақлаб қолиш билан бирга 
ѐруғлик бир текис тушишини таъминлаш мақсадида бутаб турилади, 2-3 ѐшли 
узун шохлар 70-80 см га қисқартирилади. 
Унаби меваси сентябрда пишиб етилади .Қайта ишлаш учун улар 5-6 кун 
аввал терилади, янгилигида истеъмол қилиш учун тўлиқ пишганда (қизғиш-
жигарранг бўлади) терилади. Қуритиш учун мевалари тўлиқ пишиб, пўсти 
қисман буришганда терилади. Мевалари офтобда ѐйилган ҳолда қуритилади.