Академик лицейлар, касб-ҳунар коллежлари ва умумий ўрта таълим мактаблари ўқувчилари ўртасида фан олимпиадасини III (вилоят) босқичи учун баҳолаш мезони

Иқтисодий билим асослари фанидан олимпиада ёзма иш масалалари ва тестни баҳолаш мезони
Иқтисодий билим асослари фанидан олимпиада умумтаълим мактабларининг 9-синф ўқувчилари ўртасида 2 турда (ёзма иш, тест синовлари) ўтказилади.
Олимпиада синовларини қуйидаги тартибда ўтказиш тавсия этилади.
Ёзма иш.
Ёзма иш топшириқлари 5 топшириқдан иборат бўлади. Ёзма иш учун
3 соат (180 минут) вақтберилади.
1-2-топшириқдаги ёзма иш топшириқлари қуйидаги мезон асосида баҳоланади:

№	Мезон	Балл
1.	Ўқувчи иқтисодий вазият бўйича муаммони аниқласа, масалан юқорида берилган масалада қабул қилинган қарорнинг тўғри эканлигини назарий ва амалий жиҳатдан исботлаб берса –3 балл; Ўқувчи иқтисодий вазият бўйича муаммони аниқласа, масалан юқорида берилган масалада қабул қилинган қарорнинг тўғри эканлигини фақат назарий жиҳатдан исботлаб берса –2 балл; Ўқувчи иқтисодий вазият бўйича муаммони аниқласа, мақбул қарор қабул қила олмаса –1 балл.	3
2.	Муаммонинг мураккаблик даражасини, мисоллар орқали баҳолай олса фикрини мисоллар билан далилласа, масалан нима учун фойданинг 25% акциялар учун дивидент тўлашга; 30% хўжаликни ривожлантириш фондига; 25% ишчи ва ходимларни мукофотлашга; 20% янги техника ва ускуналарни сотиб олишга сарфланганлигини аҳамиятини тушунтириб бера олса – 4 балл; Масалан нима учун фойданинг 25% акциялар учун дивидент тўлашга; 30% хўжаликни ривожлантириш фондига 25% ларни сарф этилишини ҳисоблашга ҳаракат қилса – 3 балл; Агар ўқувчи муаммонинг мураккаблик даражасини тушунтириб бера олмаса ўз фикрини мисоллар билан исботлай олса –2 балл; Агар ўқувчи муаммонинг мураккаблик даражасини тушунтириб бера олса ўз фикрини мисоллар билан исботлай олмаса –1 балл.	4
3.	Муаммони ечиш йўлларини тўғри белгилай олса, масалан, фойдани тақсимлашнинг ва қайта тақсимлашнинг аҳамиятини назарий ва амалий жиҳатдан асослай олса – 3 балл; Фойдани тақсимлашнинг ва қайта тақсимлашнинг аҳамиятини тушуниб етса – 2 балл; қайта тақсимлашнинг аҳамиятини асослай олса - 1 балл.	3