Академиги с. А. Азимов номидаги «физика-қуёш» иичб материалшунослик институти

Фундаментал тадқиқотлар мухим натижалари

Эркин совитиш режимида юқори температурали материаллар буғларининг чегаравий конденсацияси кузатилди ва конденсация температурасининг лазер билан қиздириш режимларига боғлиқлиги аниқланди;

Эркин совитиш режимида юқори температурали материаллар буғларининг чегаравий конденсацияси кўп поғонали характерга эгалиги аниқланди;
Юқори температуралар сохасида, суюқ холатда ва эриш зонасида замонавий саноат сохаларида кенг қўланувчи қатор материалларнинг спектраль-оптик хоссалари илк бор эксперименталь аниқланди
Сублимацияланувчи қийин эрувчи материаллар лазер билан қиздирилганда лазер нурланишининг флеш ютилиши эксперименталь кузатилди
Юқори температурали спектрорефлектометрияда замонавий материаллар спектрал-оптик хоссаларини юза қайтариши индикатриссаси ўзгарадиган юқори температура ва фаза ўтишлари зонасида юқори аниқликда ўлчаш имконини берувчи янги йўналиш «зондли флеш усули» ишлаб чиқилди;
Мужассамлашган ёруғлик нурланиши майдонида ультрадисперс зарралар шаклланиши механизми ишлаб чиқилди ва КҚҚда нанопорошоклар олиш технологияси асоси яратилди;
Алюминий Al₂O₃ ва цирконий ZrO₂ оксидлари тизими асосида модификацияловчи қўшимчалар диффузияси оқибатида юқори температурали керамик материалларда гетероген фазалар шаклланиши механизми ишлаб чиқилди;
Висмут Bi-Pb-Sr-Ca-Cu-O керамика асосида КҚҚда ўзига хос микроструктурага эга бўлган ва ноёб хоссаларни намоён этувчи юқори температурали ўта ўтказувчан материаллар синтез қилиш технологияси ишлаб чиқилди
Катта Қуёш Қурилмаси фокусида ўрнатилган иттрий алюминий гранати асосидаги диаметри 6мм, узунлиги 120мм бўлган бир дона лазер қурилмаси стендида қуввати 100 Вт бўлган лазер нурланиши олинди. Аниқландики, КҚҚ қуввати шароитида ва актив элементлар билан тўла комплектация қилинган холатда 6 кВт қувватгача лазер нурланишги олиниши мумкин. Ушбу ишланма ЮНЕСКО ташкилотининг 2010 йил учун тўла хисоботида Марказий Осиё мамлакатлари энг яхши иккита ишланмасидан бири сифатида қайд этилган (UNESCO Science Report, Central Asia, 2010).