Ajiniyoz nomidagi nukus davlat pedagogika

KIRISH 

   

 Muammoning  dolzarbligi.  O`zbekiston  Respublikasida  yoshlar  ta`limi  va 

tarbiyasiga  alohida  e`tibor  qaratilmoqda.  O`zbekiston  Prezidenti  farmoni  bilan 

tasdiqlangan  2017—2021  yillarda  O`zbekistonni  rivojlantirishning  beshta  ustuvor 

yo`nalishi  bo`yicha  Harakatlar  strategiyasining  -  jismonan  sog`lom,  ruhiy  va 

intellektual  rivojlangan,  mustaqil  fikrlaydigan,  qat`iy  hayotiy  nuqtai  nazarga  ega, 

Vatanga  sodiq  yoshlarni  tarbiyalash,  demokratik  islohotlarni  chuqurlashtirish  va 

fuqarolik  jamiyatini  rivojlantirish  jarayonida  ularning  ijtimoiy  faolligini  oshirish 

alohida vazifa qilib ko`rsatilgan. 

Shundan  kelib  chiqqan  holda  xalq  ta`limi  xodimlarining  asosiy  vazifasi 

mustaqil  O`zbekistonning  munosib  farzandlarini  tarbiyalash,  aniqrog`i  bilimdon, 

vatanparvar,  milliy  iftixor  tuyg`ulari  jo`sh  urib  turgan  bozor  munosabatlari 

sharoitida  faoliyat  ko`rsata  oladigan  yangi  avlodni  kamol  toptirishdir.  Zero 

Birinchi  Prezidentimiz,  ardoqli  davlat  arbobi  I.A.Karimovning  "Farzandlarimiz 

bizdan  ko`ra  kuchli,  bilimli,  dono  va  albatta  baxtli  bo`lishlari  shart"  deb 

ta`kidlagan iboralarini amalga oshirish uchun turli jabhalarda, jumladan geografiya 

ta`limida ham ilmiy izlanishlar olib borish taqozo etiladi.