Ajiniyoz nomidagi nukus davlat pedagogika instituti sapayeva feruza davlatovna

Matnshunoslik.
Matnshunoslik bobidagi ilmiy izlanishlarning 
oxir natijasi adabiyot tarixi va nazariyasi uchun manbaviy asos 
yaratib berish boʻlganligidan unga adabiyotshunoslikning yordamchi 
sohalaridan biri sifatida qarab kelinadi. Shunga qaramay, 
matnshunoslikni filologik fanlarning alohida tarmogʻi, mustaqil bir 
sohasi sifatida tushunish toʻgʻriroq boʻladi. Negaki, birinchidan, 
matnshunoslik faoliyati adabiyotshunoslik, tilshunoslik va tarix 
fanlari kesishgan nuqtada kechadi; ikkinchidan, matnshunoslikning 
oʻzi ilmiy izlanishlarida qator yordamchi sohalarni (paleografiya, 
uslubshunoslik, arxeografiya va h.) oʻziga xizmat qildiradi. Adabiy 
matnlarni oʻrganish va nashrga tayyorlash matnshunoslikning 
vazifasidir.