Ажинияз атындағы Нөкис мәмлекетлик педагогикалық институты

Соны да айтыў керек, корруптсияға қарсы гүрес бойынша ҳуқықый мәдениятты көтериў, парахорлық, дәмегөйлик сыяқлы ҳуқықбузарликларды анықлаў ҳәм оларға шек қойыў, бундай жынаятларға қарсы жаза анықлығын ҳәр бир шахс билиўи зәрүр. Корруптсия бəлесиниң қаншелли қорқынышлы иллет екенин тусинген, оны саналы түрде ақыл еткен адам бул жынаятқа қол урмайди.
Бүгинги күнде ҳәр бир мәмлекетте корруптсияға қарсы гүрес даўам етпекте. Ҳәр бир мәмлекет ҳәм жәмиет корруптсияға қарсы гүресиў жолин өзи таңлайды, анықрағы қандай жол туўры екенин турмыс көрсетеди. Нызамда корруптсияға қарсы гүрести кең көлемде алып барыў илажлары нәзерде тутылғаны, буған байланыслы ҳәр бир мәселеге бөлек итибар қаратылғаны бийкарға емес.
Қәнигелер пикиринше, корруптсия сөзи «сатыұ» ҳәм «сатылыұ» деген мәнислерди де аңлататын екен. Корруптсияға байланыслы адам нызамды бузыўдан тысқары, өзиниң кимлигин, ықтыйары, руўхыйлығы қайсы дәрежеде екенин жарыялайды. Бундай адам текғана зыян жеткереди, балки мәмлекетти, демократияны бийурмет етип, абырайын төгеди, оған нан-дуз берип үлкен еткен, илму өнер, абырай ҳәм ҳәмел берген ел-журттың жүзине аяқ қөяды. Жоқары оқыў журтында студенттен йа оның ата-анасынан пара алған, дәмегөйлик еткен декан ямаса басқа лаўазымлы шахс ушын ийман, ҳүждан, инсанийлик деген сезимлер болмайды. Олар харам жол менен тапқанларын шаңарағында өз перзентлерине ҳарам бир жутым жегизип атырғанын тусинбейди. Бундай шаңарақта өскен ул-қызлар ертең одан беттер гөрқаў, жулғыш, парахор болып өседи ҳәм бир күн әлбетте қапқанга түсип, омири тор артында өтеди. Мине сол ҳақыйқатты жоқары оқыў орынларындағы ҳәр бир лаўазымлы шахс жақсы билип алыўы зәрүр. Ол бүгин қылып атырған ислерин ҳеш ким билмейди, сезбейди, деп өйлайди. Негизинде, бүгин адамлардың көзи ашылып атыр. Жоқары оқыў журтында қайсы декан ямаса басқа лаўазымлы шахс усындай ислер етип атырғанын әтирапындағылар жақсы биледи. Ар намыслы ,хүжданли оқымыслы адамлар олар ҳаққында тийисли кеңселерге хабар берип қойыўды өзлериниң хужданий миннети, пәкизе жасаўға умтылған халық алдындағы қарызы деп билмекте. Соған муўапық жоқары оқыў орынларында аз-аздан тазаланып атыр!