Қай бири кучли: мантиқий фикрлашми ёки эҳтирос

Қай бири кучли: мантиқий фикрлашми ёки эҳтирос?

Бизга нейропсихологиядаи маълумки, инсон миясининг иккита яримшарлари турлича ишлайди: чап яримшар мантиқни (ақлий ва лингвистик тафаккурни) бошқаради, унг ярим шар эса эҳтиросни (мантиқнинг образлилиги, шаклланмаган шакллари ва ҳиссиётлар бирлигини) бошқаради.
Инсон организмининг бундай номутаносиб фаолияти унинг турли хулқ-атвор шаклларида намоён бўлишига сабабчидир. Бундай хулқ-атвор реакциялари алоҳида чап ва ўнг турлар кўринишида юзага келади. Демак, сиз бир нечта машқ бажариб, ўзингизда қайси турдаги реакция устунлигини шартли равишда аниқлашингиз мумкин. Қогоз ва қалам тайёрлаб, ҳар бир машқдан кейин натижани «Ўнг» бўлса — «Ў» ёки «Чап» бўлса — «Ч» кўринишида белгилаб боринг. ЧЎЎЎ

Биринчи машқ. (сизнинг тафаккурингиз мантиққа ёки ҳиссиётга мойиллигини билдиради)
Қўлларингизни олдинга чўзиб, бармоқларингизни чалкаштиринг. Энди қаранг, бош бармоқларингиздан қайси бири устида турибди — ўнгими, чапими?

Иккинчи машқ. (қаттиққўллик ва жаҳлдорликни)
Кўрсаткич бармоқларингизни бирлаштириб, нишонга олаётгандек олдинга чўзинг. Иккала кўзингиз билан бирор нуқтани нишонга олгач, аввал чап кўзингизни юмиб, сўнг ўнг кўзингизни юмиб нишонга қаранг. Қайси бармогингиз нишонни аниқ олганини белгиланг — чапми ёки ўнг?

Учинчи машқ. (соддадилликка ёки такаббурликка мойилликни)
Иккала қўлингизни бир вақтнинг ўзида қарама-қарши томондаги кўксингизга қўйинг. Бу худди икки қўлини ҳам кўксига қўйиб салом берган кишининг ҳаракатига ўхшайди. Энди эътибор беринг, қайси қўлингиз устида турган бўлса, белгилаб қўйинг — ўнгими, чапими?

Тўртинчи машқ. (қатъийлик ва қатъиятсизликни англатади)
Рўпарангиздаги бирор буюмга (ёки кишига) тикилиб бир оз қарсак чалинг. Сўнг қайси қўлингиз устида эканига эътибор беринг — чапми ёки ўнг? Натижани қогозга ёзинг.