Ai tech agency

Берилганлар (данные)
Маълумот (информация)
Билим (знания)

“Берилганлар (данные)” – бу хотирада маълум бир шаклда сақлаш, қайта ишлаш учун олдиндан маълум бўлган, бизни ўраб турган атроф муҳит ва дунё хақидаги “фактлар” тўплами.
Берилганлар (данные)
Биз моддий дунёда яшаймиз, бизни ўраб турган моддий дунё, жисмлар, жараёнлар (физик, химик, технологик, иқтисодий, ижтимоий ва сиёсий) доим харакатда, ўзгаришда ва уларнинг ҳолати ва юз бераётган жараёнларни рақамларда, фактларда ўлчаш ва қайд этиш мумкин.
Ушбу фактлар тўпламини қайта ишлаш ва таҳлил қилиш орқали “берилганлар (фактлар)” “маълумотга (ахборотга)” айланиши мумкин.
“Маълумот (информация)” - бу маълум бир тарзда тизимлаштирилган ва тавсифланган, фойдаланиш учун маъно ва мазмунга эга, қийматга эга бўлган ҳамда қарор қабул қилиш учун зарур бўлган “берилганлар (фактлар)” тўплами.
Масалан: Ҳаво ҳарорати С, доллар курси 10800 сўм ёки Apple компанияси акциясининг нархи 170,3 $, автомобил тезлиги 85 км./соат ва ҳ.о. Булар аниқланган, қайд этилган фактлар, яъни “берилганлар (фактлар)”.

Агар, биз ушбу фактларни қайта ишлаб таққосласак, яъни, таҳлил қилсак:
каби саволларга жавоб берадиган маънога эга бўлади ва “берилганлар (фактлар)” Маълумотга (информацияга) айланади.

• Ҳарорат кечаги кунга ёки олдинги ҳафтадаги нисбатан юқорими, пастми?
• Акциянинг нархи ёки доллар курси ошаябдими, камайябдими?
• Автомобил тезлиги белгиланган чегарадан чиқиб кетмадими?

Маълумот (информация) рақамли, символли, формаль математик ифода, графиклар, товушли ва видео форматли шаклларда бўлиши мумкин.
Билим – бу қонунлар, назариялар, қарашлар ва қоидалар тўплами шаклида умумлаштирилган ўз тасдиғини топган маълумотлар ҳамда муаммоларни ҳал этиш натижалари мажмуасидир.
Бошқача қилиб айтганда “Билим” бу, мақсадга эришиш, қарор қабул қилиш, янги маълумотларга эга бўлиш ҳамда масалани ечиш учун қайта ишланган маълумотлар (информация) ва ушбу жараёнда янгидан топилган қоидалар (хулоса, қонуният, алгоритм).