“ахборот хавфсизлиги”

9-АМАЛИЙ МАШҒУЛОТ
Мавзу: Гамильтон маршрутига асосланган шифрлаш
Ишдан мақсад: Мазкур амалий ишни бажариш жараёнида талабалар Гамильтон маршрутига асосланган шифрлаш усули бўйича амалий билим ва кўникмаларга эга бўладилар.
Гамильтон маршрутларига асосланган усулда ҳам ўрин алмаштиришлардан фойдаланилади. Ушбу усул қуйидаги қадамларни бажариш орқали амалга оширилади.
1-қадам. Дастлабки ахборот блокларга ажратилади. Агар шифрланувчи ахборот узунлиги блок узунлигига каррали бўлмаса, охирги блокдаги бўш ўринларга махсус хизматчи символлар-тўлдирувчилар жойлаштирилади (масалан, *).
2-қадам. Блок символлари ёрдамида жадвал тўлдирилади ва бу жадвалда символнинг тартиб рақами учун маълум жой ажратилади. (5.1 - расм)
3-қадам. Жадвалдаги символларни ўқиш маршрутларнинг бири бўйича амалга оширилади. Маршрутлар сонининг ошиши шифр криптотурғунлигини оширади. Маршрутлар кетма-кет танланади ёки уларнинг навбатланиши калит ёрдамида берилади.
4-қадам. Символларнинг шифрланган кетма-кетлиги белгиланган L узунликдаги блокларга ажратилади. L катталик 1-қадамда дастлабки ахборот бўлинадиган блоклар узунлигидан фарқланиши мумкин.
Дешифрлаш тескари тартибда амалга оширилади. Калитга мос ҳолда маршрут танланади ва бу маршрутга биноан жадвал тўлдирилади.

5.1-расм. 8-элементли жадвал ва Гамильтон маршрутлари вариантлари

Жадвалдан символлар элемент номерлари келиши тартибида ўқилади.
Мисол. Дастлабки матн Т₀ «АТТЕСТАЦИЯ КОМИССИЯСИ»ни шифрлаш талаб этилсин. Калит ва шифрланган блоклар узунлиги мос ҳолда қуйидагиларга тенг: K=<2,1,3>, L=4. Шифрлаш учун 5.1-расмда келтирилган жадвал ва иккита маршрутдан фойдаланилади. Берилган шартлар учун
матрицалари тўлдирилган маршрутлар 5.2-расмда келтирилган кўринишга эга.
5.2 - расм. Гамильтон маршрути ёрдамида шифрлаш мисоли
1-қадам. Дастлабки матн учта блокка ажратилади. Б1=<АТТЕСТАЦ>, Б2=<ИЯ-КОМИС>, Б3=<СИЯСИ***>;
2-қадам. 2,1,3 маршрутли учта матрица тўлдирилади;
3-қадам. Маршрутларга биноан символларни жой-жойига қўйиш орқали шифрматнни ҳосил қилиш.
Т₁=<ЕЦАТАТТС_КЯИОМСИИСЯС**И*>
4-қадам. Шифрматнни блокларга ажратиш.
Т₁=<ЕЦАТ АТТС _КЯИ ОМСИ ИСЯС **И* >