Ахборот хати

Axborot xati
O'zbekiston Respublikasi Vazirlar Mahkamasining 2021 yil 2 martdagi 78-f-sonli Farmoyishiga asosan joriy yil 30-31 mart kunlari Namangan muhandislik-qurilish institutida “Axborot tizimlari va texnologiyalarining zamonaviy jamiyatdagi o'rni” mavzusida Respublika miqyosida ilmiy-amaliy konferensiya bo'lib o'tadi.

Ilmiy-amaliy konferensiya quyidagi masalalarni muhokama qilish nazarda tutilgan:

• 
  Raqamli iqtisodiyot, elektron hukumat, internet va bulutli texnologiyalar, axborot xavfsizligi masalalari;
  
• 
  Modellashtirish, axborotlarga ishlov berish, sun'iy intellekt texnologiyalarini rivojlantirish;
  
• 
  Elektronika, robototexnika, mobil texnologiyalar, zamonaviy dasturlash tillari va vositalaridan foydalanish hamda ularning samaradorligi;
  
• 
  Texnik yo'nalishdagi masalalarni yechishda zamonaviy axborot texnologiyalarining o'rni, masofaviy ta'lim masalalari.
  

Maqolalarga qo'yiladigan talablar:

Hajmi to'liq 2 yoki 3 bet, 1,5 intervalda (chapdan 2,5 sm, yuqoridan 2 sm, quyidan 2 sm, o'ng tomondan 1,5 sm, varaq bichimi A4 formatda, 210x297mm), Microsoft Word muharririda, matnlar Times New Roman, 14 o'lchamli shriftda. Mavzu bosh harflarda qoraytirilib, varaqning o'rtasiga yoziladi, keyingi qatorlarga muallifning ismi-sharifi, ilmiy darajasi yoki ilmiy unvoni, tashkilotning to'liq nomi, konferensiya sho'basi, telefon raqami ko'rsatiladi (namunaga qarang).

Maqola o'zbek, rus yoki ingliz tilida, 1 nusxada, qog'oz va elektron variantlarda 2021 yil 25 martgacha ilmiy bo'limda qabul qilinadi.

Maqola matni ilmiy, texnik va stilistik tahrir qilingan hamda unga sohalar bo'yicha ekspertiza a'zosining yoki kafedra mudirining imzosi qo'yilgan bo'lishi shart.

Maqoladagi ma'lumotlar, faktlar va statistikalarning to'g'riligiga mualliflar mas'uldirlar.

Maqolada albatta jadval (chizma yoki rasm)lar manbalari aniq ko'rsatilishi, qisqartma so'zlarga izoh berilishi lozim.

Maqola ichidagi havolalar “[1]” kabi tartibda belgilanadi. Maqola so'ngida foydalanilgan adabiyotlar foydalanish ketma-ketligi bo'yicha yozilishi kerak.

Yuqoridagi talablarga javob bermaydigan, o'z vaqtida topshirilmagan, kamchiliklari mavjud bo'lgan ilmiy maqolalar to'plamga kiritilmaydi.

Tashkiliy qo'mita maqola matnini qisqartirish, qisman tuzatish kiritish, sho'balarga joylashtirish huquqiga ega.

Bitta maqolani chop etish badali 40 000 so'm.

Tashkiliy qo'mita manzili: Namangan shahri, Islom Karimov ko'chasi, 12 uy, 160103, NamMQI, 1-bino, 2-qavat, Ilmiy bo'lim, tel: [phone].
Muloqot uchun aloqa xizmatlari:

Koordinator: F.Irisqulov, tel.: [phone], [phone].

E-mail: [e-mail]
MASOFAVIY TA'LIMDA FOYDALANILADIGAN DASTURIY VOSITALAR

Dotsent S.Xoshimov (Namangan muhandislik-qurilish instituti)

(Internet, masofaviy ta'lim, bulutli texnologiyalar va axborot havfsizligi masalalari sho''basi, tel: ………)