Агзамходжаев Т. С., Хайдаров М. Б. Исмаилова М. У толипов М. Г., Бабаниязов К. К

Эпителиал ҳужайралар
Микроскопда кўрув майдонида препаратда буйрак 1-2 та, ўтувчи 0–3 та
Микроскопик текширилганда сийдик қолдиғида ясси, ўтувчи ва буйрак эпителий хужайралари учраши мумкин. Ясси эпителий хужайралари думалоқ шаклда,катта ҳажмда, рангсиз, катта бўлмаган ядроли. Сийдикка ташқи жинсий органлардан ва сийдик чиқариш каналидан тушади. Асосий диагностик аҳамияти йўқ.
Эркакларда асосан уретрани яллиғланишида учрайди. Ўтувчи эпителий ҳужайралари сийдик ажратиш йўллари шиллиқ қаватларини қоплаган: сийдик пуфаги, сийдик йўли, буйрак жомида.
Сийдикда бу ҳужайралар ҳар хил шаклда(полигонал, думли,цилиндрик, думалоқ) ва катталикда (лекин ясси эпителийдан кичикроқ), етарлича йирик ядроли бўлиши мумкин.
Циститларда, пиелитларда, сийдик ажратиш йуллари ҳосилалари учрайди.
Буйрак эпителий ҳужайралари – буйрак каналларининг призматик эпителийлари-овал шаклли ҳужайралар кўринишида, ядроси эксцентрик жойлашган ва йирик донадор бўлади. Кўпинча буйрак эпителий ҳужайралари гиалин цилиндрларида жойлашади, кўп миқдорда буйрак эпителийлари пайдо бўлиши қуйидагиларда бўлади:

• 
  Ўткир ва сурункали буйрак касалликларида (Ўткир ва сурункали нефрит, амилоидоз);
  
• 
  Иситма ҳолатларида
  
• 
  интоксикация;
  
• 
  инфекцион касалликларда.
  

Цилиндрлар
йўқ
Цилиндрлар (cylindrus)оқсил ёки каналчалардан келиб чиққан ҳужайравий ҳ осилалардан ташкил топган, улар цилиндрик ва хар хил ўлчамда бўлади.
Цилиндрларнинг оқсилли асоси Тамм-Хорсфолл (Т-Х) уропротеиндан ташкил топган, уларда албуминлар таркиби 50 марта юқори.
Оқсил Т-Хни буйрак каналчаларининг дистал эпителийларида ишлаб чиқарилади, улар ташқи мембранани қоплайди,сув тузлар реабсорбциясида иштирок этади. Катта миқдорда альбумин ёки гемоглобин, миоглобин, Бенс-Джонс оқсили; кальций ионларининг бирламчи сийдикда ортиқча бўлиши ёки буйракда қон оқимининг пасайиши Т-Х оқсил агрегациясига ёрдам бериб, цилиндр ҳосил бўлишига олиб келади.
Тоза оқсилли (гиалин, мумсимон) ва ҳужайравий цилиндрлар ажратилади..
Гиалин цилиндрлар —нозик контурли ва силлиқ, юзаси бироз донадор оқсилли ҳосилалар ҳисобланади.
Гиалин цилиндр лар учрайди:

• 
  соғлом одамда дегидратацияда (кучли жисмоний зўриқишда,иссиқ иқлимда ишлаганда)тўсатдан сийдик рН тушганда ва нисбий зичлиги ортганда
  
• 
  барча буйрак касалликларида,коптокчали протеинурияда(гломерулонефрит, инфекцион ва аллергик факторлар таъсирида, юрак фаолияти декомпенсациясида);
  
• 
  ҳомиладорлар нефропатиясида;
  
• 
  иситма чикканда;
  
• 
  оғир метал тузлари билан заҳарланганда.
  

Мумсимон цилиндрлар. Контурлари аниқ , гомоген структурали , сариқ рангли бўлади. Қуйидагиларда характерли:

• 
  хар хил генезли нефротик синдром
  
• 
  амилоидоз;
  
• 
  эпителиал каналларнинг сурункали шикастланиши
  

ҳужайравий цилиндрларда (эпителиал, эритроцитар ва лейкоцитар) эритроцит, лейкоцит, эпителийлар ёпишиб қолган оқсил асослари билан қопланган .
Эпителиал цилиндрлар учрайди:

• 
  гломерулонефрит;
  
• 
  амилоидоз;
  
• 
  оғир металлар, салицилатлар, этиленгликол билан заҳарланишларда .
  

Эритроцитар цилиндрлар учрайди:

• 
  буйрак генезли гематурияда (гломерулонефрит, буйрак инфаркти, буйрак венаси тромбози).
  

Лейкоцитар цилиндрлар характерли:

• 
  Буйрак генезли лейкоцитурияда (пиелонефрит, югуригли нефрит).
  

Донадор цилиндрлар. Контурлари аниқ бўлиб, қаттиқ донадор массадан ташкил топган. Парчаланган эритроцитлар, лейкоцитлар ёки ҳужайра эпителийларидан ташкил топган вақуйидаги ҳолатларда учрайди:

• 
  Каналчаларнинг оғир дегенератив зарарланишида;
  
• 
  нефротик синдромда;
  
• 
  пиелонефритда.
  

Бироқ оғир буйрак жараёнларида ва яққол цилиндрурия орасида аниқ боғлиқлик кузатилмайди
Буйрак силида цилиндрурия камдан-кам ҳолларда кузатилади.
Шиллиқ
оз миқдорда
Кузатилади:

• 
  уретрит, простатит, цистит, буйрак тош касалликларида
  

Шиллиқ миқдори оз бўлганда цилиндроид кўринишда бўлиб, гиалин цилиндрларга ўхшайди, лекин анча узунроқ, контурлари аниқ ,ипсимон, буралган бўлади