Агрономия (анорчилик)

I. Ўқув фанининг долзарблиги ва олий касбий
таълимдаги ўрни

Мамлакатимиз иқтисодиётида қишлоқ хўжалиги тармоғи муҳим ўрин тутади. Аҳолини озиқ-овқат маҳсулотлари, саноатни эса хом-ашё билан таъминлаш айнан қишлоқ хўжалиги соҳаси зиммасида эканлигини инобатга олсак, қишлоқ хўжалиги республикамизнинг ижтимоий-иқтисодий ҳаётида нақадар муҳим ўринга эга эканлиги янада яққол намоён бўлади.

Қишлоқ хўжалигини бозор иқтисодиёти қонунлари талаблари даражасида ривожлантириш учун тармоқда эркин фаолият кўрсатиш имкониятига эга бўлган турли хилдаги мулк шаклларини, уларга асосланган тадбиркорлик турлари ва улар ўртасидаги эркин бозор муносабатларининг назарий ва услубий асосларини такомиллаштириш, инвестицияларни жалб этиш, инновацион техника ва технологияларни қишлоқ хўжалиги ишлаб чиқаришига жорий этиш, ресурслардан самарали фойдаланиш, меҳнат унумдорлигини ошириш, харажатларни тежаш, фойдани максималлаштириш ва қишлоқ хўжалиги ишлаб чиқариши самарадорлигини ошириш йўлларини тушунишда талабаларни зарур бўлган билимлар билан куроллантиради.
“Қишлоқ хўжалиги иқтисодиёти” фани умумкасбий фанлар блокига киритилган курс ҳисобланиб, 2-курсда ўқитилиши мақсадга мувофиқ.


II. Ўқув фанининг мақсад ва вазифалари


Фанни ўқитишдан мақсад - талабаларга қишлоқ хўжалигида ишлаб чиқариш жараёнининг иқтисодий самарадорлиги ва рақобатбардошлигини аниқлаш хамда тахлил қилиш, тармоқда оддий ва кенгайтирилган такрор ишлаб чиқаришнинг ўзига хос хусусиятларини инобатга олган холда мавжуд ресурслардан самарали фойдаланиш, оптимал тармоқ тузилмасини шакллантириш бўйича талабаларга умумлаштирилган назарий, методологик, амалий билим ва кўникмаларни кўникмасини ҳосил қилишдан иборат.
Фаннинг вазифалари- ушбу мақсадга эришиш учун қишлоқ хўжалигида ишлаб чиқариш самарадорлик кўрсаткичларини тавсифлаш, иқтисодий тахлил қилиш, таваккалчилик хатарини, шунингдек ривожланишнинг ички ва ташқи омилларидаги ўзгаришларини хисобга олган холда тармоқни янада ривожлантириш ва иқтисодий барқарорлигини таъминлаш билан боғлиқ жараёнларни ўрганиш вазифаларини бажаради.
“Қишлоқ хўжалиги иқтисодиёти” фанини ўзлаштириш жараёнида бакалавр:

• 
  қишлоқ хўжалиги иқтисодиёти фанининг моҳияти, предмети, вазифалари, тадқиқот усуллари, ресурслар чекланганлиги ва иқтисодиётнинг бош муаммоси, ишлаб чиқариш назариясининг асосий концепциялари ва ишлаб чиқариш функциялари, табиий ресурслардан фойдаланишнинг иқтисодий тамойиллари тўғрисидатасаввурга эга бўлиши;
  
• 
  ишлаб чиқариш жараёнларини баҳолаш усуллари ва кўрсаткичларини ҳисоблаш, ишлаб чиқариш харажатларини пасайтириш, фойда, рентабеллик даражасини аниқлашни билиши ва улардан фойдалана олиши;
  
• 
  қишлоқ хўжалигида ишлаб чиқариш омилларидан самарали фойдаланиш, ишлаб чиқаришни оптималлаштириш, ўсимликчилик ва чорвачилик тармоқларининг иқтисодий самарадорлигини аниқлаш, иқтисодиётга оид маълумотларни йиғиш, қайта ишлаш ва таҳлил қилиш кўникмаларига эга бўлиши керак.