Agrokonsalting

Guruhlarga topshiriq. Paxta-g‘allaga, sabzavotchilikka va g‘alla-sabzavotchilikka ixtisoslashgan fermer xo‘jaligidagi moddiy resurslarga ketadigan harajatlarni rejalashtiring
1.Xo‘jalikda mahsulot ishlab chiqarishda urug‘ sarfini rejalashtirish.

Ekin turi	Rejadagi urug‘ sarfi k	Rejadagi yer maydoni	Jami yer maydoniga urug‘ sarfi k	1kg urug‘ narxi so‘m	Jami urug‘ so‘m qiymati

2.Xo‘jalikda mahsulot ishlab chiqarishda o‘g‘it sarfini rejalashtirish.

Ekin turi	Rejadagi 1ga o‘g‘it safi k	Rejadagi yer maydoni	Jami yer maydoniga O‘g‘it sarfi kg	1kg o‘g‘it narxi so‘m	Jami o‘g‘it qiymati so‘m

3.Xo‘jalikda mahsulot ishlab chiqarishda yoqilg‘i sarfini rejalashtirish.

Ekin turi	Rejadagi 1ga yoqilg‘i sarfi k	Rejadagi yer maydoni	Jami yer maydoniga yoqilg‘i sarfi k	1kg yoqilg‘i narxi so‘m	Jami yoqilg‘i so‘m

Nazorat uchun savollar.

1. 
   Biznes-reja tushunchasi.
   
2. 
   Korxonada faoliyatini rejalashtirish: strategik(istiqbolli), o‘rta muddatli(biznes rejalashtirish), tezkor (taktik) rejalashtirish.
   
3. 
   Biznes-reja tuzish bosqichlari va tartibi.
   
4. 
   Biznes-reja tuzishda asosiy shartlar.
   
5. 
   Biznes-reja tuzishda balans, normativ va ko‘p varianli hisob-kitob usullaridan foydalanish bo‘yicha maslahatlar.
   
6. 
   Biznes-rejaning afzalliklari va uni baholash yo‘llari?
   
7. 
   Biznes-reja tarkibi, korxona tasnifi, biznes konsepsiyasini tanlash.
   
8. 
   Bozorni o‘rganish va mahsulotlar narxini bashoratlash, marketing reja.
   
9. 
   Moliyaviy reja va ishlab chiqarish rejasini ishlab chiqish, boshqaruv va xodimlar ishini tashkil etish.
   
10. 
    Biznes rejaning moliyalash strategiyasi, tadbirkorlik tavakkalchiligini va sug‘urtalashni baholash, biznes jarayonlarini loyihalashtirish bo‘yicha maslahatlar.
    

17- MAVZU. NOQIShLOQ XO‘JALIK FAOLIYaTNI TAShKIL QILISh BO‘YIChA MASLAHATLAR
Darsning maqsadi:Talabalar noqishloq xo‘jalik korxonalari bilan munosabatlar o‘rnatish va noqishloq xo‘jalik faoliyatni tashkil qilish bo‘yicha maslahatlar bo‘yicha ko‘nikmalarga ega bo‘ladilar.
Amaliy mashg‘ulot rejasi:
1. AMX noqishloq xo‘jalik korxonalari bilan munosabatlari
2.Qishloq xo‘jaligi tovar ishlab chiqaruvchilarida noqishloq xo‘jaligi tarmog‘ini tashkil qilishning ahamiyati.
3. Ko‘p tarmoqli fermer xo‘jaliklarida noqishloq xo‘jaligi tarmog‘ini tashkil qilish bo‘yicha konsultativ xizmatlardan foydalanish.
Darsga oid jihozlar: Markerlar, flamaster, plakatlar. kerakli adabiyotlar, tarqatma materiallar.
Darsning tuzilishi: Tashkiliy daqiqa, guruhlarda ishlash, bahs-munozara, dars yakuni.
Fermer xo‘jaliklarida noqishloq xo‘jalik faoliyatini ustuvor yo‘nalish sifatida rivojlantirish quyidagilarni amalga oshirishni ko‘zda tutadi:

• 
  qishloqda mulkdor sinf sifatida kichik va xususiy tadbirkorliksohalarini tizimli rivojlantirishga;
  
• 
  qo‘shimcha faoliyat turlarini tashkil qilish asosida qishloq aholisini doimiy ish bilan band bo‘lishi va yangi ishchi o‘rinlarini tashkil etishga;
  
• 
  qishloq hududlarida bozor, ishlab chiqarish va ijtimoiy infratuzilma sub’yektlarini tashkil etish va rivojlantirish, ularda xizmat ko‘rsatish ko‘lamini kengaytirishga;
  
• 
  qishloq hududlarida mahsulotlarni tayyorlash, saqlash, qayta ishlash, taqsimlash, ayirboshlash va iste’mol qilish bilan bog‘liq sohalarni rivojlantirishga;
  
• 
  dehqon, yer, ishlab chiqarish vositalari, yetishtirilayotgan mahsulot va daromad unsurlari o‘rtasida mustahkam iqtisodiy-huquqiy bog‘liqlikni shakllantirish va mustahkamlashga;
  
• 
  qishloq aholisi turmush farovonligini yaxshilashda muhim ahamiyat kasb etadi.
  

Fermer xo‘jaliklarida noqishloq xo‘jalik faoliyatining o‘ziga xos alohida xususiyatlari va yo‘nalishlarini hisobga olib, ushbu jihatlarni quyidagicha tasniflash mumkin:
- madaniy-maishiy xizmat ko‘rsatish (dam olish uylari; davolanish maskanlari; umumovqatlanish shoxobchalari; xalq hunarmandchiligi; ekoturizm va boshqalar);
- yarim tayyor mahsulotlar ishlab chiqarish (oziq-ovqat mahsulotlari, ip, kalava-ip va boshqalar);
- xizmat ko‘rsatish (avtomobillarga texnik yordam ko‘rsatish; poyabzal ta’mirlash va tikish; qurilish materiallari ishlab chiqarish va qurish;
- kiyim-bosh va trikotaj mahsulotlarini tikish-to‘qish hamda boshqa xizmat turlari);
- mahsulotni tayyorlash, saqlash, qadoqlash, qayta ishlash va sotish;
- tijorat va savdo-sotiq xizmati;
- kasanachilik xizmati va boshqalar.
Bugungi kunda noqishloq xo‘jalik faoliyatini tashkil etgan fermer xo‘jaliklarining maqomini belgilash talab etiladi. Chunki, fermer xo‘jaliklari noqishloq xo‘jalik faoliyatini yo‘lga qo‘yar ekan, ushbu faoliyatdan olinayotgan foydaning ma’lum bir qismini albatta, qishloq xo‘jaligi sohasini rivojlantirish, uning moddiy-texnika bazasini mustahkamlash, ilg‘or tajriba va innovatsiya ishlanmalarini amaliyotga joriy etishga sarflaydi. Bu jihati bilan fermer xo‘jaliklari endi nafaqat qishloq xo‘jaligi sohasi va noqishloq xo‘jaligi faoliyatini mutanosib ravishda rivojlantirishga harakat qiladi, balki, u qishloq hududi farovonligi va obodonligi, yangi ish joylarini tashkil etish, atrof-muhitni muhofaza qilish kabi tadbirlarni ham amalga oshiradi.