Agrokonsalting

6.1-chizma. Korporativ internet-saytlarda berilishi maqsadga muvofiq ma’lumotlar
O‘zbekistonda korporativ boshqaruv samaradorligini oshirishga qaratilgan chora-tadbirlar tub mohiyatida mulkiy munosabatlarni yanada demokratlashtirish va xususan, davlat mulklarini xususiy sektorga bozor qonunlari asosida yetkazilishini ta’minlashga ustivor ahamiyat berib kelinmoqda. Hozirgi kunda davlat mulklarini sotish, investitsiya kiritish sharti bilan “nol” qiymatda berish va ularning samaradorligini oshirish borasida bosqichma-bosqich ishlar amalga oshirib kelinmoqda.
Aksiyadorlik korxonalarida korporativ boshqaruv mexanizmlarini rivojlantirishning ustuvor yo‘nalishlarini aniqlash, korporativ boshqaruvni tamoyillarini qo‘llagan holda investitsiyalarni jalb etish, ular faoliyatini innovatsion rivojlantirish evaziga korxonalarning iqtisodiy rivojlanish darajasini yangi bosqichlarga ko‘taradi.
Demak, bugungi kunga kelib globallashuv ijtimoiy-iqtisodiy hayotning barcha sohalarida, jumladan mulkchilik sohasida ham namoyon bo‘layotganini ko‘rishimiz mumkin. Bu esa, milliy iqtisodiyotimiz shakllanib, jamiyatimiz tubdan isloh qilinayotgan bir davrda oliy ta’lim muassalari oldiga tayyorlanayotgan mutaxassislarni iqtisodiy savodxon, professional kadrlar qilib tayyorlash vazifalarini yuklamoqda.

2–savol
Boshqaruv usuli va korporativ madaniyat

Boshqaruv usullarini iqtisodiyotning ma’lum aniq sohalarida amal qilishning turli yo‘llari orasidagi umumiy hodisa sifatida ajratish mumkin. Masalan, boshqaruv darajalari bo‘yicha boshqaruv usullari (davlat sektorini boshqarish usullari, sex, korxona, birlashma, mintaqani boshqarish usullari), yoki tarmoqlarni boshqarish usullari (sanoat, transport, qishloq xo‘jaligini boshqarish usullari) haqida so‘z yuritish mumkin. Shuningdek, turli sub’yektlar tomonidan qo‘llaniladigan boshqaruv usullarini ajratib ko‘rsatish mumkin. Davlat boshqaruvi usullari jamoat tashkilotlarini boshqarish usullari yoki iqtisodiyotning ayrim sohalarida qo‘llaniladigan boshqaruv usullarini (ishlab chiqarishni, moliyaviy sohani, fan va maorifni boshqarish usullari)ni ham ko‘zda tutish lozim.

Boshqaruv tashkilotlari tizimi bilan turli-tumanligi bu tashkilotlar faoliyati usullarini ajratish uchun asos bo‘lib xizmat qiladi. Bu yerda so‘z vazirliklar, assosatsiyalar, aksiyadorlar jamiyati, davlat qo‘mitalarini boshqarish usullari haqida so‘z boradi.
Va nihoyat, turli turkumga kiruvchi ishlovchilar boshqaruv faoliyatida menejerlar, direktorlar, bo‘limlar boshliqlari tomonidan qo‘llaniladigan boshqaruv usullarini ajratib ko‘rsatish mumkin.
Demak, boshqaruv nazariya va amaliyotida turli boshqaruv usullari mavjuddir. Ular boshqaruv usullarining har bir guruhi o‘z xususiyatlariga ega bo‘lgan tizimni tashkil etgan.
Milliy xo‘jalikni boshqarishda quyidagi usullardan foydalaniladi: iqtisodiy, tashkiliy, ijtimoiy, psixologik va huquqiy. Boshqaruvning bu usullari o‘zaro uzviy bog‘liqdir, shu sababli ularning birortasiga ortiqcha ahamiyat berish butun ishlab chiqarishning me’yorda borishi buzilishiga olib keladi.
Hozirgi davrda bozor iqtisodiyotini boshqarishning iqtisodiy usullari muhim ahamiyat kasb etmoqda. Boshqaruvning iqtisodiy usullari kishilarga iqtisodiy manfaatlar orqali ta’sir ko‘rsatadi.