Agrokonsalting

Guruhlarda ishlash uchun topshiriq
Topshiriq. Pinbort texnikasi bo‘yicha guruhlarda ishlash

	Joriy byudjet	Kapital byudjet	Operatsion faoliyat bo‘yicha daromad va xarajatlar rejasi	Investitsion faoliyat bo‘yicha daromad va xarajatlar rejasi	Moliyaviy faoliyat bo‘yicha daromad va xarajatlar rejasi
Maqsadi
Qo‘llash sohasi
Tarkibi
Shakllanitirish bosqichlari va tartibi

Nazorat uchun savollar

1. 
   Seleksiya, urug‘chilik va naslchilik ishlari bo‘yicha qanday muammolar mavjud?
   
2. 
   Qishloq xo‘jaligida seleksiya xizmatlari qanday tashkil etiladi?
   
3. 
   Noan’anaviy qishloq xo‘jalik ekinlarini yetishtirish bo‘yicha maslahatlar?
   
4. 
   Urug‘chilikni rivojlantirish muammolari?
   

22-MAVZU. QIShLOQ XO‘JALIGIDA NASLChILIKNI RIVOJLANTIRISh XIZMATLARI BO‘YIChA MASLAHATLAR
Darsning maqsadi: Qishloq xo‘jaligida zooveterinariya xizmati va shoxobchalarini tashkil etish bo‘yicha maslahatlar bo‘yicha ko‘nikmalar hosil qilish.
Amaliy mashg‘ulot rejasi.
1. Yangi navlar va zotlarni tadbiq etish bo‘yicha investitsion dasturlarni asoslash uslublari va usullari
2.Chorvachilikni rivojlantirish bo‘yicha muammolar va ularning yechimi
3.Chorvachilikda naslchilikni rivojlantirish bo‘yicha maslahatlar mazmuni
4.Chorvachilikni noan’anaviy va nisbatan zamonaviy yo‘nalishlarini rivojlantirish bo‘yicha maslahatlar
5.“Nasl-xizmat” tashkilotlarining xizmatlaridan foydalanish yo‘llari
6.Zooveterinariya shoxobchalarini tashkil etish yo‘llari
Darsga oid jihozlar:Markerlar, flamaster, plakatlar, kerakli adabiyotlar, tarqatma materiallar.
Darsning tuzilishi: Tashkiliy daqiqa, guruhlarda ishlash, bahs-munozara, dars yakuni.
Noa’nanaviy amaliy mashg‘ulot: Talablarda yetarli bilim va ko‘nikmalar mavjud.O‘qituvchi buni ”Aqliy hujum” orqali tasdiqlaydi va shundan so‘ng talabalarni guruhlarga bo‘lib, ularga vazifalarini bajarishga ruxsat beradi.
Amaliy mashg‘ulot usuli: Bahs-munozara
.Chorvachilik – mamlakat qishloq xo‘jaligining muhim tarkibiy qismidir. Chorvachilik tarmoqlarining maqsadga muvofiq, samarali joylashtirilishi respublikada mehnat taqsimotining ijobiy hal etilishiga bevosita ta’sir etadi. Hududlarning tabiiy, iqtisodiy sharoitlarini hamda bozor talablarini e’tiborga olgan holda chorvachilikning qoramolchilik, qo‘ychilik, baliqchilik, asalarichilik, andatrachilik tarmoqlarining joylashtirilishi va rivojlantirilishi zarur. Chunki bu tarmoqlarda oziq-ovqat va qayta ishlash sanoati korxonalari uchun go‘sht, sut, jun, teri, asal va boshqa mahsulotlar yetishtiriladi. Natijada sanoat tarmoqlarining rivojlantirilishi ham ta’minlanadi, chorvachilik tarmoqlarida inson salomatligi uchun zarur, oqsil moddalarga boy bo‘lgan turli xildagi mahsulotlar ham yetishtiriladi. Bundan tashqari chorvachilikda o‘simlikchilik va chorvachilikning ayrim sohalari rivojlanishini ta’minlaydigan mahsulotlar ham yetishtirilmoqda. Chorva chiqindisi – go‘ng tuproq unumdorligini oshiradi, o‘simliklar uchun organik o‘g‘it hisoblanadi. Chorvachilik mahsuloti sut esa aholi tomonidan iste’mol qilinishidan tashqari yangi tug‘ilgan yosh hayvonlarga ham beriladi.
Mamlakatimizda faoliyat yuritayotgan shaxsiy yordamchi, dehqon va fermer xo‘jaliklarida chorva mollari sonini ko‘paytirishni rag‘batlantirish, servis xizmatlari tarmog‘ini tashkil etishga doir chora-tadbirlar dasturining amalga oshirilishi natijasida chorvachilikni rivojlantirishda ijobiy siljishlar qayd etilmoqda. Respublikamizdagi chorva mollari naslini yaxshilash va mahsuldorligini oshirish maqsadida chorvachilik fermer xo‘jaliklari tomonidan 2016 yil mobaynida xorijiy mamlakatlardan 8737 bosh naslli qoramollar olib kelindi.
Chorvachilikni rivojlantirish qishloq xo‘jaligi oldida turgan birinchi darajali vazifalardan hisoblanadi. Bu vazifani muvaffaqiyatli hal etish uchun quyidagi kompleks tadbir-choralari ishlab chiqilgan:
- chorvachilikning mustahkam yem-xashak bazasini barpo qilish va yem-xashakdan ratsional foydalanish;
- barcha turdagi chorva mollari va parrandalarni ko‘paytirish;
- podalarning mahsuldorligini oshirish va mollarni sanoat texnologiyasi asosida boqishga moslashtirish maqsadida chorvachilikda naslchilik ishlarini yaxshilash;
-xizmat ko‘rsatish punktlari tarmog‘ini kengaytirish hisobidan veterinariya xizmatlari va sun’iy qochirish xizmatlaridan foydalanishni yaxshilash;
- shaxsiy yordamchi, dehqon va fermer xo‘jaliklariga zotdor mollarni sotish bo‘yicha kimoshdi savdolarini tashkil etish;
- chorva mollarning yangi zotlarini yaratish va mavjud zotlarini yaxshilash, chorvachilikning turli sohalarini boshqarishda nazariy va amaliy usullarini ishlab chiqish, shu asosda chorva mollarini ko‘paytirish hamda boqishning ratsional usullarini joriy etishda zootexnika va chorvachilik ilg‘orlarining ish tajribalariga keng o‘rin berish.
Chorvachilikda hayvonlarning o‘sishi va rivojlanishiga ta’sir etuvchi omillarning eng muhimlari ularning irsiy xususiyati va jinsidir. Chorva hayvonlarini boqish, havoning harorati va namligi, yorug‘lik, asrash, parvarishlash, ratsion va hokazolar chorvachilikni rivojlantirishda muhim omillardir. Chorvachilikka ixtisoslashgan fermer xo‘jaliklarida asosiy jarayonlar quyidagi ishlarni amalga oshirilsa maqsadga muvofiq bo‘ladi:

2. 
   Mustahkam ozuqa bazasini yaratish;
   

2. 
   Qoramollarni to‘la qiymatli oziqlantirish va asrash sharoitlarini barpo etish;
   
3. 
   Sigirlarni sog‘ishni tashkil etish;
   
4. 
   Naslchilik ishini tashkil etish;
   
5. 
   Veterinariya tadbirlarini o‘z vaqtida o‘tkazishni ta’minlash;
   
6. 
   Birlamchi zootexnikaviy hisob-kitob ishlarini olib borish va ma’lumotlar bazasini shakllantirish.