Agrobiznesda innovatsion faoliyat

3.1-rasm. Innovatsiya sohasida bozor kapitali¹⁰
Amaliy-ilmiy ishlar-ma'lum, aynan ilmiy ishlarni bajarish, ya'ni amaliy ahamiyatga ega bo‘lgan ilmiy ishlarni bajarishga qaratilgan bo‘ladi.
Ilmiy-texnika faoliyati texnologik, injenerlik, iqtisodiy va ijtimoiy muammolarni yechish va yangi bilimni yaratish, qo‘llash va keng joriy etishga qaratilgan bo‘lib, ilmni, texnikani, ishlab chiqarishni yagona tizim sifatida faoliyat ko‘rsatishni ta'minlashga qaratilgan bo‘ladi.
yeksperimental ilmiy ishlab chiqarish doimiy nazariy-ilmiy ish olib borish natijasida yangi materiallar, mahsulotlar, uskunalar, yangi texnologiya yaratish yoki mavjudini yanada takomillashtirishga qaratilgan ilmiy faoliyat hisoblanadi.
Innovatsiya turkumi va innovatsiya jarayoni 1.2-rasmda berilgan. Iste'molchilarning yangilikka bo‘lgan ehtiyoji-innovatsiya ham mavjud bo‘lib, u ilmiy-tadqiqot va tajriba konstruktorlik ishlari natijalarining qariyib 70-75% ni tashkil etadi.
Innovatsiya sohasi innovatorlar investorlar raqobatbardosh tovar ishlab chiqaruvchilar yoki xizmat ko‘rsatuvchilar infrastruktura rivojidan tashkil topgan bo‘ladi. Innovatsiya faoliyati ilmiy, ilmiy-texnik natijalarni va intellektual salohiyatni yangi yoki amalda ishlab chiqarilayotgan mahsulot sifatini yaxshilash yoki xizmat ko‘rsatish uchun foydalanadigan yo‘nalishdir.
Innovatsiya jarayonni kengroq tushinish uchun uni har xil pozitsiyada va detallashtirish darajasida qarash lozim.
Birinchidan; izchilik bilan birga ilmiy-tadqiqot, ilmiy-texnik, innovatsiya ishlab chiqarish faoliyati va marketingni amalga oshirishdir.
Ikkinchidan; yangilikni vaqtinchalik hayot davri, ya'ni g‘oyaning paydo bo‘lishi, hayotga tadbiq etilishi va keng tarqalishi sifatida qarash mumkin.
Innovatsion jarayon deganda umumiy holda ixtironi, yangi texnologiyani, yangi mahsulotlar yoki xizmatni, ishlab chiqarish, moliya, ma'muriy xarakterga ega intellektual faoliyat turini tijoratlash jarayoni tushiniladi.