Аграр тармоқ иқтисодий салоҳиятини оширишда институционал ислоҳотлар ва

 
7 
Қишлоқ хўжалиги ерларидан фойдаланиш самарадорлигини ошириш 
тадбирларининг аҳамиятли томони шундаки, бугунги кунда тежамкор ва 
замонавий агротехнологияларни жорий қилиш, техник ускунарлани 
ўзлаштиришга алоҳида аҳамият қаратилмоқда.
 
Хусусан, республика бўйича 2020 йилда жами 49,5 минг гектар (2019 
йилга нисбатан 131 фоизга ёки 11,7 минг гектарга кўпроқ) экин 
майдонларида сув тежамкор технологиялар жорий қилинган. Шундан 43 
минг гектар майдонда томчилатиб суғориш тизими, 2,2 минг гектар майдонда 
ёмғирлатиб суғориш тизими ва 4,3 минг гектар пахта майдонларида дискрет 
суғориш усуллари жорий этилган.
 
Ушу тежамкор технологиялар жорий қилинган ҳудудларга эътибор 
қаратадиган бўлсак, энг кўп қисми Жиззах вилоятида (9,6 минг гектар) 
жорий қилинган. Фарғона вилоятида - 6,2 минг гектарда, Самарқанд 
вилоятида -5,6 минг гектарда, Тошкент, Бухоро ва Сурхондарё вилоятларида 
- 3,8 минг гектардан, бошқа вилоятларда эса 2,5-3,5 минг гектар атрофидаги 
майдонларда жорий қилинган. 
 
Қишлоқ хўжалиги маҳсулотларини етиштириш ҳажмларини ошириш ва 
маҳсулот сифатини яхшилаш йўналишидаги тадбирлар қаторида хорижий 
тажрибалардан ва шунингдек хорижий давлатларда юқори самара бераётган 
илмий натижалардан фойдаланига катта эътибор қаратилмоқда. Хусусан, 
Қишлоқ хўжалиги вазирлиги тизимидаги илмий тадқиқот институтларида 
2020 йилда Белоруссиялик олимлар билан ҳамкорлик доирасида Белоруссия 
селекциясига мансуб 8 та картошка навлари, Россиянинг илмий марказлари 
билан ҳамкорликдаги илмий фаолият доирасида 43 та турдаги сабзавотлар 
навлари республикамиз тупроқ иқлим шароитларида илмий тажрибалар олиб 
борилди. Япониянинг The Musashino Seed Co. Ltd. компанияси билан оқбош 
карам, гулкарам, сабзи, пиёз, пак чойи, чи кале, чои сум каби анаънавий ва 
ноанъанавий сабзавотлар уруғчилиги бўйича синовлар амалга оширилди.
 
Жанубий Корея давлатининг KOPIA маркази лойиҳаси доирасида шоли 
кўчатини экиш машинаси ва ускуналари ҳамда Корея селекциясига оид 6 та 
шоли навлари республикамиз шароитида тажриба-синовдан ўтказилди. 
 
Токио Қишлоқ хўжалиги ва технологиялар университети билан 
ҳамкорликда шолининг шўрга чидамли навлари Хоразм, Сирдарё 
вилоятларида тажриба майдонларида синовдан ўтказилди. Тадқиқотлар 
натижалари билан республикамиз шароитига мос янги навлар яратилади ва 
деҳқонларимизга етказиб берилади.
 
Жорий йилда амалга ошириладиган илмий тадқиқотлар якунлари билан 
эришиладиган натижалар ва режалар сифатида қуйидаги масалаларни 
эътиборо қиқлиш мумкин: 
- янгидан яратилган ва ноананавий ҳамда сабзавот, полиз экинларининг 
йўқолиб бораётган маҳаллий навлари бирламчи уруғчилигини, экспортбоп 
маҳсулотлар етиштириш йўналишидаги кўчатчиликни йўлга қўйиш бўйича 
илмий тадқиқотлар давом эттирилиб, ҳудудлар бўйича экинлар 
жойлашувини эътиборга олиб, экинлар навларининг юқори авлодли 
уруғликларини тайёрлаш ҳажми 5600 тоннадан, 2021 йилда 6600 тоннага 
етказиш устида тадқиқотлар давом эттирилади; 

---