Аграр тармоқ иқтисодий салоҳиятини оширишда институционал ислоҳотлар ва

 
374 
ушбу тушунчага қуйидагича муаллифлик ёндашуви шакллантирилди: 
“Биологик активлар – бу биотрансформациядан фойдаланган ҳолда қишлоқ 
хўжалиги маҳсулотларини ёки бошқа биологик активларни берадиган тирик 
ўсимлик ёки ҳайвон”. 
Биологик активлар тушунчаси юқорида шарҳланган манбалардаги 
таърифлардан бизнинг ёндашувимиз икки жиҳати бўйича фарқ қилади. 
Биринчидан,
биологик активлардан фойдаланишдан кўзланган асосий мақсад 
бу фойда олиш ҳисобланади. Шу сабабли, хўжалик юритувчи субъектлар 
асосий хўжалик жараёнини биотрансформациядан фойдаланган ҳолда амалга 
оширади. Чунки, биотрансформация - бу ўсиш, насл қолдириш, ишлаб 
чиқариш ва кўпайиш жараёни натижасида биологик активда содир 
этиладиган сифат ва сон ўзгаришидир. 
Иккинчидан,
биологик активлардан 
фойдаланиш натижасида тегишли қишлоқ хўжалиги маҳсулотлари ёки бошқа 
биологик активлар олинади. Масалан, чорвачиликка ихтисослашган фермер 
хўжалигида сигир биологик актив ҳисобланади. Ундан насл сифатида бузоқ 
ва тайёр маҳсулот сифатида сут олинади. Мазкур ҳолатда сигирдан соғиб 
олинган сут маҳсулоти қишлоқ хўжалиги маҳсулоти ҳисобланса, олинган 
насл (бузоқ) янги биологик активдир. 
Шунингдек, биологик активлар ҳисобини молиявий ҳисоботнинг 
халқаро стандартларига мувофиқлаштириш мақсадида биринчидан, биологик 
активларни асосий воситалар таркибидан ажратган ҳолда алоҳида “Узоқ 
муддатли биологик активлар” ҳамда жорий активлар таркибига кирувчи 
қисмини “Жорий биологик активлар” сифатида ҳисобга олиш ва унинг 
таркибини белгилаш лозим. Чунки, ишчи ҳайвонлар, мева берадиган кўп 
йиллик ўсимликлар биологик актив ҳисоблансада, уларнинг ҳисоби 16-сонли 
“Асосий воситалар” номли молиявий ҳисоботнинг халқаро стандарти билан 
тартибга солинади. 
Иккинчидан, биологик активларни ҳисобга олишда фойдаланиш 
мақсадида хўжалик юритувчи субъектлар ҳисоб сиёсатининг ишчи счётлар 
иловасига қуйидаги ишчи счётларни киритган ҳолда шакллантириши 
мақсадга мувофиқ ҳисобланади (жадвал).