Agrar huquqidan on savollari (2020-2021 o‘quv yili bahorgi semestri uchun) 1

36.
 
Fermer xo‘jaligini tashkil etishda g‘oliblarni aniqlashda nimalarga 
ahamiyat beriladi? 
Tanlovda ishtirok etish uchun qatnashuvchilarni tanlash ikki bosqichdan iborat 
bo’ladi: birinchi bosqichda hujjatlarning to’liqligi va mazmuni tekshiriladi; ikkinchi 
bosqichda talabgorlarning arizalarida bayon qilingan takliflarning iqtisodiy 
asoslanganligi o’rganib chiqiladi. Bunda talabgorlarning imkoniyatlari 10 ballik 
reyting shkalasida baholanadi. Bunda olgan bali eng yuqori ball olgan talabgordan 
10 ballgacha yoki 10 ballga farq qilgan talabgorlar eng yuqori ball olgan talabgorlar 
hisoblanadi va tanlovda ishtirok etish uchun tavsiya etiladi. Tanlov uni o’tkazish 
to’g’risida e‘lon qilingan kundan so’ng bir oydan keyin o’tkaziladi va unda 
komissiya a‘zolari umumiy sonining kamida uchdan ikki qismi ishtirok etgandagina 
haqiqiy hisoblanadi. Tanlov eng ko’p ariza tushgan loyihalar bo’yicha boshlanib, 
arizalarning soni kamayishiga qarab navbatma-navbat o’tkaziladi. 128 Eng ko’p 
yakuniy ball to’plagan talabgor tanlov g’olibi deb komissiya raisi tomonidan e‘lon 
qilinadi. Komissiya yakuniy yig’ilishining bayonnomasi ikki nusxada tuzilib, 
komissiya raisi, a‘zolari va kotibi tomonidan imzolanadi. Yer maydonlarini berish 
(realizatsiya qilish) masalalarini ko’rib chiqish bo’yicha tuman komissiyasining 
qarori protokol bilan rasmiylashtiriladi va barcha hujjatlar, shu jumladan tuman 
fermer, dehqon xo’jaliklari va tomorqa yer egalari kengashining xulosasi bilan 
birgalikda ko’rib chiqish uchun xalq deputatlari tuman Kengashiga yuboriladi. Xalq 
deputatlari tuman Kengashi eng yaqindagi sessiyada yer uchastkalari berish 
(realizatsiya qilish) masalalarini ko’rib chiqish bo’yicha tuman komissiyasi 
tomonidan taqdim etilgan hujjatlarni ko’rib chiqadi va tegishli qaror qabul qiladi, 
ushbu qaror tuman hokimiga yuboriladi. Tuman hokimi xalq deputatlari tuman 
Kengashining ijobiy qarori asosida uch kun mobaynida fermer xo’jaligi yuritish 

---

18 
uchun yer uchastkasi berish to’g’risida qaror chiqaradi va uch kun muddatda ushbu 
qarorni tasdiqlash uchun viloyat hokimi boshchilik qiladigan yer maydonlarini 
berish (realizatsiya qilish) masalalarini ko’rib chiqish bo’yicha viloyat 
komissiyasiga yuboradi. Bunda tuman hokimining qaroriga tuman fermer, dehqon 
xo’jaliklari va tomorqa yer egalari kengashining xulosasi, yer maydonlarini berish 
(realizatsiya qilish) masalalarini ko’rib chiqish bo’yicha tuman komissiyasining 
qarori, shuningdek xalq deputatlari tuman Kengashining qarori ilova qilinadi. 
Viloyat hokimi boshchilik qiladigan viloyat komissiyasi taqdim etilgan hujjatlarni 
ko’rib chiqadi va tuman hokimining fermer xo’jaligi yuritish uchun yer uchastkasi 
berish to’g’risidagi qarorini tasdiqlash (yoki tasdiqlashni rad etish) haqida qaror 
qabul qiladi. Rad etish to’g’risidagi qaror tanlovni o’tkazish shartlari buzilgan 
taqdirda va yer uchastkasini ijaraga berish tartibining qo’pol ravishda buzilishlari 
aniqlangan hollarda qabul qilinadi. Tuman hokimining fermer xo’jaligi yuritish 
uchun yer uchastkasi berish to’g’risidagi qarori viloyat hokimi boshchilik qiladigan 
yer uchastkalari berish (realizatsiya qilish) masalalarini ko’rib chiquvchi viloyat 
komissiyasi tomonidan tasdiqlanganidan keyin kuchga kiradi.