Афзалликлари Изоҳ

Аутсорсингнинг афзалликлари

Афзалликлари	Изоҳ
Сарф-харажатларнинг камайиши	Буюртмачи фақат бажарилган иш учун хақ тўлайди, жараён учун эмас. Ортиқча ишчиларни ушлабтуришнинг ҳожати йўқ, мутонасиб равишда иш ҳақи ва у билан боғлиқ бўлган солиқларни ҳам тўлаш керак эмас.
Турли харажатлар пасайиши (бино ижараси, иш жойлари яратиш, ишчиларни озиқ-овқат билан таъминлаш )	Тўғридан-тўғри харажатлардан ташқари ёндош харажатлар камаяди.
Аниқ вазифалар бўйича пудратчи ташкилотларни жалб қилиш	Ўз ваколатига кирмаган вазифаларни малакаси юқори бўлган мутухассислар бажаради.
Алоҳида йўналиш бўйича компетент ҳамкорга эга бўлиш	Юқори интеллектуал ҳамкорлар орттириш. Агар корхонада муайян вазифани бажариш учун малакали мутахассис бўлмаса, четдан интеллектуал мулкни ёллаш мақсадга мувофиқ.
Бир нечта ҳамкор билан ишлаш имкониятининг кенглиги	Битта ҳамкордан кўра бир нечта шерикни танлаш афзалроқдир. Чунки улар турли йўналишлар бўйича буюртмачи корхонанинг оғирини енгил қилади.

Лекин ҳар қандай корхона аутсорсерга мурожат қилишдан олдин аутсорсинг тизимининг афзаллик ва камчилик жиҳатларини билиши шарт.
Логистик фаолият самарадорлиги ижтимоий самарадорликка нисбатан бирламчи ҳисобланади: иқтисодий ютуқлар корхонанинг ижтимоий муаммоларини ҳал қилишда қўл келади. Масалан, фойданинг ўсиши, жамғармаларнинг ортиши корхонага ижтимоий вазифалар доирасини кенгайтириш ва уларни ҳал қилиш имконини беради.
Бироқ логистик тизим самарадорлиги ва унинг асосий кўрсаткичи - фойда (даромад) ўз-ўзидан, автоматик равишда юзага келмайди. Турли корхоналарда логистик самарадорликка эришиш учун мавжуд ишлаб чиқариш қувватлари ва бошқа хусусиятлардан келиб чиққан ҳолда турли восита ва йўллардан фойдаланилади. Бунда вақт омили, яъни самарадорликка қисқа ёки узоқ муддатларда эришишни мўлжаллаш асосий роллардан бирини ўйнайди. Масалан, корхона олаётган фойдасини қисқа вақт мобайнида маҳсулот сифатини яхшилашни молиялаштириш, ишлаб чиқаришни қайта қуроллантириш ва модернизация қилиш, ходимлар малакасини оширишга ажратилаётган маблағларни камайтириш йўли билан кўпайтириши мумкин. Узоқ муддатли режаларда эса бундай омиллар фойда камайишига ва ҳаттоки корхонанинг бозордаги ўрнини йўқотиши натижасида банкрот бўлишига олиб келиши эҳтимоли йўқ эмас.