Adolat Shamchirog’i

advokatlik firmasi
	Палата Адвокатов Республики Узбекистан Ферганское областное территориальное управление Адвокатская фирма «Adolat Shamchirog’i» г.Коканд
Farg’ona viloyati, Qo’qon shahar, A.T.Xo’qandiy, 8/18 Tel: [phone]		Г.Каканд, массив А.Т.Хукандий 8/18 Tel: [phone]

«_____»_________2017 йил №06/62-сон
Жиноят ишлари бўйича
Қўқон шаҳар судининг
судъяси


Ш.Эшматовга

И Л Т И М О С Н О М А


(Ўзбекистон Республикаси “Адвокатура тўғрисида”ги қонунининг 6-моддасига
ҳамда ЖПКнинг 49, 53-моддаси талабларига кўра)

Иш юритувингизда бўлган 304051/2017-45-сонли жиноят иши бўйича суриштирув ва дастлабки тергов органи ҳимоям остида бўлган Мансуров Икрам Аминовични ЖКнинг 246-моддаси 1-қисми ва 244-1-моддаси 2-қисми билан айблаш борасида шубхали ҳаракатларни содир этганлиги кўринмоқда.

Хусусан, ҳимоям остида бўлган И.Мансуров Туркия давлатидан 01.07.2017 йил куни келганлигини, шу куни ўзи билан олиб келган, ўғли Аминжонов Иззатжон совға қилган “Galaxy J2 Prime” маркали уяли алоқа воситасига қизи Абдуллаева Намунахон ўзининг уяли телефонидан “булутс” дастури орқали “Шарет” дастурини ўтказиб берганлигини, сўнгра “Шарет” дастури орқали интернет ижтимоий тармоғи орқали ишлайдиган “телеграмм” дастурини 90-201-30-43 телефон рақамига ўрнатиб, телеграммнинг статусига яъни бош сахифасига набирасининг 3 дона суратларини ўрнатиб берганлигини, аммо дадаси И.Мансуровни 09.07.2017 йилда ИИБ ходимлари олиб кетишганларидан сўнг тахминан 14.07.2017 йилда дадасининг телеграмининг асосий сахифасида арабча ёзувлар тасвири бўлган қора байроқ кўтарган харбий кийимдаги номаълум шахснинг сурати пайдо бўлиб қолганлигини, бу пайтда эса дадаси суднинг 11.07.2017 йилдаги қарорига асосан 15 сутка маъмурий қамоқ жазосини ўтаётган бўлганлигини, телефони эса 10.07.2017 йилдаги ИИБ ходимлари томонидан тузилган “турар жойни кўздан кечириш ўтказиш” хақидаги баённомага асосан олиб қўйилган бўлганлигини, бундан ташқари кейинчалик унинг телефонидан тергов давомида аниқланган “жундуллох” студияси томонидан ёзилган жихотга дават этувчи 4,12 МБ хажмли, охирги ўзгариши 11.05.2017 йил куни соат 5:14 РМда яратилган видео ролик ҳам аниқланганлиги маълум бўлмоқда.

Гарчи ИИБ ходимлари И.Мансуровнинг “Galaxy J2 Prime” маркали уяли алоқа воситасини хеч бир асоссиз 10.07.2017 йил куни турар жойни кўздан кечириш вақтида олиб қўйишган бўлсада, уни орадан 15 кун ўтиб, дастлаб 2017 йил 25 июль куни холислар иштирокида кўздан кечириб аниқланган шубхали қора байроқ ва видео роликни мавжудлигини аниқлаб баённома тузилган бўлса, худди шу сана билан яъни 25.07.2017 йил санаси билан фуқаролик паспорти ва телефон апарати такроран кўздан кечирилиб унда фақат қайд этиб ўтилган видео ролик аниқланганлиги киритилган. Шубхали байроқ хақида хеч қандай ёзув киритилмаган. Мазкур баённомаларни ҳар иккисида ҳам кўздан кечириш санаси кўрсатилган бўлсада ўтказилган аниқ вақти кўрсатилмаган.

Ҳимоям остида бўлган И.Мансуровга тегишли бўлган 90-201-30-43 телефон рақамига очилган “телеграмм” дастурини ва унга ўрнатилган суратларни компюьтер техникаси воситасида кўздан кечирилганида бош сахифага ўрнатилган 3 дона фото расмлардан 2 таси унинг набирасининг суратлари эканлиги ва 1 таси хақиқатдан ҳам арабча ёзувлар тасвири бўлган қора байроқ кўтарган ҳарбий кийимдаги номаълум шахснинг сурати эканлиги маълум бўлди.

Бироқ, мазкур суратларнинг ўрнатилган саналари кўрилганида деворга суяниб турган боланинг сурати телеграммга 01.07.2017 йил куни соат 17:02:31 да, қора байроқ кўтарган номаълум шахснинг суратлари телеграммга 14.07.2017 йил куни соат 15:52:30 да, тарвуз еб ўтирган боланинг сурати эса 14.07.2017 йил куни соат 16:19:09 да юкланганлиги маълум бўлмоқда. (нусхалари иловада)

Қўқон шаҳар маъмурий судининг 11.07.2017 йилдаги қарорига асосан ҳимоям остида бўлган И.Мансуров 11.07.2017 йил соат 15-00 дан 15 сутка, 26.07.2017 йилдаги қарорига асосан такроран 15 сутка маъмурий қамоқ жазосига тортилган бўлса, шунингдек, унинг телефони эса 10.07.2017 йилдаги ИИБ ходимлари томонидан тузилган “турар жойни кўздан кечириш ўтказиш” хақидаги баённомага асосан олиб қўйилган бўлса, унинг телеграммига 14.07.2017 йил куни айнан ким томонидан ва нима мақсадда юқоридаги суратлар ўрнатилганлигин аниқлаш лозим бўлади.

Шунингдек, фуқаролар Эргашбоев Акбар Махмудович ва Бекназаров Илёс Илхомовичлар дастлабки тергов ва суд тергови жараёнида гарчи судланувчи И.Мансуров уларга 2017 йилнинг июль ойи бошларида Урганжи боғ кўчасида жойлашган “Урганжи боғ” номли чойхонада ўзининг телефонида бўлган диний мазмундаги видео роликни “мужохидлар” номли қўшиқ остида қўйиб бериб уларни Туркия давлатига ноқонуний йўллар билан олиб чиқиб кетишни хусусида даъват қилганлигини баён қилган бўлишсада, мазкур санани аниқ айтиб беролмаганлигидан келиб чиқиб, судланувчи И.Мансуровнинг телефони 2017 йилнинг 1 июлидан 10 июлигача, яъни ИИБ ходимлари телефонни олиб қўйишгунларига қадар “Билайн” компаниясининг берган детализация ва плингация маълумотларига кўра И.Мансуров бу даврларда Урганжи боғ кўчаси худудида бўлмаганлиги, шунингдек, гувоҳлар А.Эргашбоев ва И.Бекназаровларнинг телефон рақамлари бўйича “Билайн” компаниясининг берган детализация ва плингация маълумотларига кўра улар ҳам бу даврларда Урганжи боғ кўчаси худудида умуман бўлмаганлиги маълум бўлмоқда. (нусхалари иловада)

Бундан ташқари, юқоридаги ҳолатларга кўра ҳимоям остида бўлган И.Мансуровнинг телефонидан аниқланган видео роликни ҳам айнан шу мақсадда ва шу муддатда ўрнатиб қўйилган бўлиши мумкинлигини инобатга олиб, ҳамда “Самсунг” сервис марказининг 09.11.2017 йилдаги “Galaxy J2 Prime” телефонига “Шарет” дастурини қачон ўрнатилганлигининг имкони борлиги тўғрисидаги маълумотномасига, ҳамда судда гувоҳ тариқасида сўралган мутахассис Б.Мадғозиевнинг кўрсатмаларига асосланиб айнан телефонга “шарет” дастури қачон ўрнатилганлигини ва ундаги видео ролик қачон юкланганлигини аниқлаш лозим бўлади.