Adolat Shamchirog’i

Жиноят ишлари бўйича
Қўқон шахар судининг
судьяси
М.Улуғбековга


Айбланувчи Исаков Муродхон Султонхўжа ўғли ва химоячи Низомиддинов Элбек Холмуродовичдан


А Р И З А
(Судьяни рад қилиш хақида)
Иш юритувингиздаги № 304051/2020-137-сонли жиноят иши бўйича химоям остида бўлган айбланувчи Исаков Муродхон Султонхўжа ўғлини Ўзб.Рес.ЖКнинг 105-моддаси 1-қисми билан айблаш хақидаги жиноят иши бўйича хозирги кунда суд тергови давом эттирилмоқда.
03.06.2020 йил кунит жиноят иши бўйича суд тергови олиб бориш жараёнида судланувчи Исаков Муродхон Султонхўжа ўғлига нисбатан дасталбки тергов органи томонидан қўлланилган муносиб хулқ атворда бўлиш хақидаги тилхат эхтиёт чорасини қамоққа олиш тарзидаги эхтиёт чорасига алмаштирилиб суд залидан қамоқ эхтиёт чораси хақида ажрим чиқарилган.
Юқоридаги Сиз томонингиздан чиқарилган ажримни асоссиз деб биламан, чунки химоям остида бўлган М.Исаков тилхат эхтиёт чораси юзасидан тергов органи томонидан чиқарилган қарорни бузмаганлиги, вахоланки у суд мажлисига суд котиби томонидан чақиртирилган вақтида етиб келганлиги, бундан ташқари Суднинг ажримида кўрсатилишича гўёки химоям остида бўлган М.Исаков гувохларга тайзиқ ўтказиши мумкинлиги кўрсатилган бўлсада суд томонидан ушбу хулосага барвақт тўхталган. Чунки ушбу жиноят иши юзасидан суд мажлисида сўралиши лозим бўлган ва айбловда кўрсатилган гувохлар яъний Исакова Дурдонахон Иқболжон қизи хамда Мирзаев Иқбол Икромовичлар мени химоям остида бўлган М.Исақовга дастлабки терговда қарши гувох сифатида кўрсатма берган бўлса, қандай қилиб М.Исақов юқоридаги гувохларни ўзи томонига кўрсатма бериши учун оғдириши мумкин. Бу холатни мен мутлоқ нотўғри ва айбловга таянган холатда қилинган деб биламан.
Юқоридгиларга кўра Ўзбекистон Республикаси ЖПКнинг 76-моддаси 3-қисмида кўрсатилган судьянинг холислигига ва беғаразлигига шубха туғдирадиган бошқа холатлар мавжуд деб билиб, шу боис Сиз Раислик этувчига ушбу жиноят ишини давом эттиришингизда раддия жавобини бераман.

Кушиламан айбланувчи: М.Исаков

Химоячи: Э.Низомиддинов