Adliya vazirligi adliya organlari va muassasalarida davlat tilida ish yuritishni tashkil

O‘ZBEK TILINING ASOSIY IMLO QOIDALARI
O‘zbek tilining asosiy imlo qoidalari 1995-yil 24-avgust kuni 
Vazirlar Mahkamasi tomonidan tasdiqlangan bo‘lib, uni quyidagi 
manzildan ko‘rish mumkin.
https://lex.uz/docs/1625271
Faqat ushbu imlo qoidalari lotin yozuviga asoslangan o‘zbek 
alifbosi uchun tasdiqlangan bo‘lib, kirill yozuvidagi matnlarda farqli 

---

42
jihatlar mavjud. Kirill yozuvida imlo qoidalari 1956-yilda tasdiqlan-
gan va hamon o‘zgarish kiritilmagan holda amalda.
O‘ZBEK TILI PUNKTUATSIYASINING ASOSIY QOIDALARI
Nuqta
(•)
Nuqta – eng ko‘p qo‘llanadigan va eng qadimiy tinish 
belgilaridan biri; 11-asrda arab matnlarida yozuv belgisi sifatida 
paydo bo‘lgan, 19-asrgacha uning vazifasi va qo‘llanishi hozirgi ayni 
tinish belgisinikidan tamomila farq qilgan.
Hozirgi o‘zbek imlosida nuqta quyidagi o‘rinlarda qo‘llanadi:
1) darak gaplar oxirida 
(Quyosh hamma yoqni qizdirmoqda);
2) orzu-istak, iltimos, yalinish, da’vat, undash, maslahat, 
ogohlantirish kabi mazmunni ifodalovchi buyruq gaplar oxirida 
(Bugun ertaroq boring. Bizga ovqat keltirsangiz. Mayli, o‘qing 
bo‘lmasa, hamma eshitsin.);
3) bosh harflar yoki bo‘g‘inlar bilan ko‘rsatilgan shartli 
qisqartmalardan so‘ng (
S. Rahimov; M. T. Oybek; va boshq.); 
abbreviaturalarda nuqta qo‘yilmaydi;
4) raqamlar yoki harflar bilan ko‘rsatilgan numerativlardan 
so‘ng (1. A. 2. V. kabi. Bunda numerativdan keyin keladigan gaplar 
mustaqillikka ega bo‘lishi shart, mustaqillikka ega bo‘lmagan gaplar 
1) a; 2) b shaklida yoziladi;
5) ba’zan sanalar raqam bilan yozilganda, yil, oy, kunlarni 
o‘zaro ajratish uchun ular orasiga qo‘yiladi (2003-yil 19-okt.); 
2000.14. 2000.14.V I I I. (2000-yil 14-avgust) va h.k.
So‘roq belgisi (?)
So‘roq belgisi
– gap oxirida qo‘llanadigan tinish belgilaridan. 
Bu belgi asosan mazmunidan so‘roq anglashilgan gaplar oxiriga 
qo‘yiladi va shu gapning ifoda maqsadiga ko‘ra so‘roq ekanligini 
ko‘rsatadi (Nega kelmading? Qo‘rqdingmi?). Bu belgi o‘zbek tiliga 
19-asr oxirlarida rus tilidan kirgan. “Turkiston viloyatining gazeti” 
sahifalarida ayrim matnlarda qo‘llana boshlagan.