Қадимги юнон-рим тарихи

 
 
 
 
 
2-§. Adabiyot 
Mahabharata yoki Bharata avlodlari jangnomasi 
 
Bu doston hind adabiyotining eng nodir yodgorliklaridan biri hisoblanadi. 
Qorong`i  zulmat  ichida  Duro`dho`naning  oldiga  murabbiy  Dro`naning  o`g`li,  yosh  jangchi 
Ashvatthaman pusib keldi. Yaqindagina qudratli hukmdor bo`lgan kishining qonga belangan holda 
yerda yotganini ko`rib, u yig`lab yubordi, boshini mag`lub podshosining oyoqlariga qo`ydi. 
-  Ey  ulug`  zot,  -  dedi  Ashvatthaman,  -  nahotki,  yer  yuzida  o`zgarmaydigan  narsa  bo`lmasa? 
Odamning  ikkiga  biriga  hukmdorlik  qilgan  senday  podsho  shaqol  va  sirtlonlar  qurshovida  g`arib 
ahvolda  o`layotirsan.  Qo`shinlaring  qani?  Yengilmas  harbiy  sarkardalaring-chi?  Ukalaring, 
o`rinbosarlaring  qayerda?  Hammasi,  hammasi  o`lim  xudosi  yo`lidan  ketdi.  Yoningda  hech  kim 
yo`q. hech kim senga so`nggi marta bo`lsa ham loyiq hurmat ko`rsatmayotir, hech kim sen uchun 
o`ch  olmayotir  Ashvatthamaning  faryodi  Duro`dho`naning  jonini  o`lim    uyqusidan  uyg`otib 
yubordi.  Duro`dho`na  mag`lubiyatga  uchraganiga  alam  bilan    yig`layotgan  bu  yigitga    murojaat 
qilib dedi: 
- Men o`zim uchun g`am chekmayman. Ertami, kechmi barcha tirik jonning boshida  qazo bor. 
Men jangchiga munosib o`lim bilan ketayotganimdan xursandman. Seni sog`-salomat ko`rganimga 
ham xursandman. Sen hamisha mard va matonatli eding. Bundan keyin ham shunday bo`l. Menga 
alam qiladigan joyi shuki, qo`shinim butunlay yakson qilindi, dushman qo`shinida esa sog`-salomat 
qolganlar ko`p. 
- Ey shohim, - deb qichqirdi Ashvatthaman,- bu fikrlar seni iztirobga solmasin! Hayotim haqqi 
qasamyod  qilamanki,  ko`p  o`tmay  dushman  askaridan  bitta  ham  qolmaydi.  Meni  kut.  Bu  haqdagi 
xabarni senga o`zim keltiraman. 

---

 
 111 
 
 
Ashvatthaman  shunday  deb,  qiziqqonlik  va  jaholat  bilan  jangga  chanqoq  holda  Pandavlar 
qarorgohi tomon chopdi. 
Bu  hodisa  ulug`  jang  tamom  bo`lgandan  keyingi  birinchi  kechada  bo`layotgan  edi.  Xorigan 
jangchilar dong qotib uxlashardi. Atrofda birorta chiroq ham ko`rinmas, sado ham eshitilmasdi. 
Ashvatthaman dushman qarorgohiga yashirinib kirib, kattakon banan daraxti tagiga berkindi va 
qanday qilib hamma jangchilarni maxv qilish haqida o`ylay boshladi. U bitmas tuganmas alam bilan 
o`ch olm,oqchi bo`lib kelgan, lekin yolg`iz edi. Uni bu yerda o`limdan boshqa nima ham kutar edi. 
Shu  qayg`uli  o`ylarga  borib,  nima  qilishini  bilmay,  daraxt  tagiga  o`tiraverdi.  To`satdan 
qorong`ida  uning  oyog`i  tagida  shamol  to`kkan  mevaday  bir  narsa  to`p  etib  tushdi.    Keyin  yana 
tushdi. Atrofidan shunaqangi to`ppillagan ovozlar tez-tez eshitila boshladi. U qo`lini uzatib, yonida 
hozirgina  tipirchilab  jon  bergan  qushni  ushladi.  Ularninig  ba’zilari  boshsiz,  ba’zilari  ko`ksi 
majaqlangan, ba’zilari esa patsiz edi.      
Ashvatthaman  tun  sukunatida  bu  qushlarni  kim  o`ldirayotganligini  bilolmay  bananning  qalin 
yaproqlari  orasiga  qaradi.  To`satdan  uning  boshi  ustidan  keng  yoziq  qanotlari  bilan  osmondagi 
yulduzlarni  to`sib  bahaybat    bir  boyqush  uchib  o`tdi.  Shu  payt  uning  miyasiga  o`z  raqiblarimni 
ochiq jangda emas, balki hozir, tunda g`aflatda o`ldirishim kerak, degan fikr keldi. Ular shu qushlar 
singari uxlab yotgandagina hammasini yo`q qilish mumkin. Tong otib qolsa, unda kech  bo`ladi. U 
qat`iy  qaror  bilan  sapchip  o`rnidan  turdi-da,    qoplon  singari  yerga  qapishib,  pisib    boraverdi  va  
charchab dong qotib uxlayotgan Pandav jangchilarining soyalarini ko`rdi. 
“Uyqudagilarni  o`ldirish  nomardlik    bo`lmasmikin?  -    deb  u  to`satdan    o`ylanib  qoldi.    – 
Jangchilarning  or-nomusi  qonuni,  urf-odatini    buzish    qanday    bo`larkin?”  -    U    dushmanga  qo`l  
ko`tarishga  jur`at qila olmay  ikkilanganicha  to`xtab qoldi.  
Keyin  o`z  qo`shining    harbiy  sarkardalaridan  ko`p  eshitgan  quyidagi    so`zlarni  eslab, 
shubhalarni quvdi: 
 
Raqibni  o`ylamay  mahv  etmoq  darkor, 
Qaramay  jarohat  yo  charchog`iga. 
U  yo  g`aflatdami, yo`ldami, aslo 
Parvo  qilma  ochlik  yo chanqog`iga. 
 
Dushmaning   jon  bersin  azob-dahshatda, 
Sen  o`z  raqibingni  o`ldir,  albatta, 
Bahona  ma`zurga  sabab  bo`lolmas,  
Raqibni  o`ylamay  mahv  aylasang  bas.  
 
U or-nomus qalqonini  ming bo`lakka bo`lib,  qo`liga xanjarini  ushlab, uyqudagi  jangchilarga  
zaharli  ilonday ovoz  chiqarmay tashlanib, zarba  bera boshladi. U  achinmay    rahmsiz ravishda  
ularni    chavaqlayverdi,    jangdan    sog`  qolganlarning    hammasini  qirib  tashladi.      O`layotgan 
jangchilarning    ingrashidan  uyg`onib  ketganlar    esa    dushmanni    ko`rmasdan  xavf  qayoqdan  
kelayotganini bilmay  bir-birini dahshat  ichida  o`ldirib yuborishdi. 
Faqat o`sha kuni  qarorgohda bo`lmagan  Pandavlargina  bu halokatdan qutilib qoldilar. 
Ashvatthaman  askarlarning hammasini  chavaqlab,  qarorgohdagi  chodirlarga  o`t qo`ydi-da,   
qanday    kelgan    bo`lsa  xuddi  shunday  shovqinsiz  o`zini    qorong`ilikka    urdi.  U    o`layotgan 
Duro`dho`naning oldiga  shoshilib  keldi, ustiga  enggashib, tashvishlanib  so`radi: 
-  Ey  sherdil    inson,  gapimni    eshityapsanmi?    Agar    joning  chiqmagan  bo`lsa,    seni    xursand  
qiladigan   gaplarimni eshit.  Dushmanning hamma qo`shinlarini  o`z qo`lim bilan  qirib  tashladim.   
Tiriklardan    faqat    aka-uka  Pandavlar  bilan    Krishna,    bizdan  esa  men  bilan    yana    ikkita    mard  
jangchi  qoldi,  xolos.    Osmonda    mening  otamni,    shu  jangda    shahid    bo`lganlarni    ko`rganingda   
ular uchun men qasos  olganimni  aytib qo`y.  Shuni bilki,  ey  shahanshoh,  sen  uchun ham  qasos 
oldim. 
Duro`dho`na oxirgi kuchini  to`plab turib dedi: 

---

 
 112 
 
 
-  Qo`shinimdan  birorta    ham  jangchi  qilolmagan  ishni  sen    qilding.  Yaxshi  qol.    Endi    men  
tinchgina  o`laman. 
Umrining oxirigacha yaxshilik  va haqiqat   yo`liga  tusha olmagan  bu  podsho  so`zlarni  aytib  jon 
berdi. 
Donishmand Yudhishthira  o`z  qo`shinining   halokatini  eshitgach,  shunday  dedi: 
-  Ajabo,    ko`pincha    yengilganlar  g`olib  chiqadi,    yengganlar    esa    mag`lub  bo`lishadi.    Kechasi  
hamma  jangchilar  bizning  aybimiz bilan  halok bo`lishdi.  Biz qarorgohni  tashlab  ketmasligimiz  
lozim edi. Chindan  ham biz  okeandan  suzib kelib,  daryoga cho`kib ketgan  kemaga  o`xshaymiz.  
Bo`lar    ish  bo`libdi,  endi    g`am  chekishning  foydasi  yo`q.    Biz      endilikda      mamlakatni  
yomonlikdan   butunlay xalos qilish hamda   xalq  farovonligi   haqida  o`ylashimiz kerak. 
Shunday  deb,    bu    adolatparvar      podsho  ukalari  bilan      ko`r    podsho  Dhritarashtraning  
poytaxtiga  qarab  jo`nadi.   
 
Janglar qissasi. Mahabharata yoki  Bharata avlodlari jangnomasi. T. 1988.   144-146  betlar