Adabiy tur va janrlar

Dramatik tur

• 4. Xarakter. Hayot go’yo bir azim daryo bo’lsa, drama ana shu azim daryoning tezoqar, eng nishab joylarini tasvir predmeti qilib oladi. (I.Sulton). Lev Tolstoyning fikricha, drama bizga odamning butun hayotini hikoya qilib berish o’rniga, shu odamni shunday vaziyatga qo’yishi kerakki, shunday bir tugun bog’lamog’i kerakki, bu tugunni yechish mahalida odam butunicha ro’yobga chiqsin.
• Shuning uchun ham dramadagi xarakterlar va ular xarakteridagi biror qirra g’oyatda bo’rttirilgan bo’ladi. Jumladan, Otelloda – rashk, Muqannada-ozodlik uchun fidoyilik o’ta mubolag’adordir.
• 5. Syujet. Dramada syujet xuddi eposdagidek sokin, mukammal bo’lmaydi va u voqeaga bog’lanmaydi, balki u tez va shiddatkor dramatizmga judayam boy bo’ladi. Syujet dramadagi xatti – harakat bilan mustahkam bog’lanadi. Bu tig’izlik va shiddatni taqozo etadi.

Dramatik tur

• 6. Badiiy til. Dramada muallif nutqi (remarkalarni hisobga olmaganda) ishlatilmaydi. Personajlar o’zlarini o’zlari va bir-birlarini so’z orqali ochadilar. Dramada ishlatiladigan gaplar – sodda, qisqa va ravon bo’ladi. Ularda tomoshabin tushunmaydigan bironta ham so’z yoki ibora ishlatilmaydi...