Abuliya yunon abulia–qat’iyatsizlik, juratsizlik, irodasizlik – muayyan psixopotologik sabablarga ko’ra irodaning bo’shashishi, kuchsizlanishi yoki to’liq yo’qolishidan iborat holat. Abuliya holatida kishi eng oddiy harakatlarni ham bajara olmay qolishi

Algazimetr (yunon. aigos–ogrik, metron–o’lchov) – og’riq sezgilarini o’lchaydigan maxsus asbob.

            Alturizm (lat.–boshqa) – boshqalarga holisona g’amxo’rlik qilish, o’z manfaatlaridan voz kechib, kishilarga yaxshilik qilish.

Ambivalentnost (lat.–har tomonlama kuchga ega) – kishining bir ob'ektning o’ziga nisbatan bir vaqtning o’zida paydo bo’ladigan bir–biriga qarama–qarshi emotsional–irodaviy holati (mas., rashkda sevgi va nafratning ifodalanishi)

Anologiya (yunon.analogia–moslik, o’xshashlik) – narsa va hodisalarning bir–biriga o’xshash bo’lgan bazi belgilariga qarabgina hukm yuritishdan iborat xulosa chiqarish formasi; analogik usulda chiqarilgan xulosa chin bo’lishi ham, yolg’on bo’lishi ham mumkin. Anologiya ko’pincha yosh bolalarga xos tafakkur formasidir.

Animizm (lat. anima–jon) – ibtidoiy odamlarning atrofidagi narsa va hodisalar haqidagi fangacha bo’lgan tasavvurlari; animistik tasavvurga ko’ra, har bir narsaning o’z ruhi, joni bor; tabiat kuchlari va hodisalarini jonlashtirishdan iborat diniy e’tiqod. Animizm O’rta Osiyo xalqlarida, ayniqsa o’zbek, tojik, qirg’iz dindorlarida «pir» ma'nosida ishlatiladi. Bunga ko’ra, har bir narsaning o’z «piri» bor. Masalan, dehqonchilikning piri, tegirmonning piri va boshqalar.

            Anomaliya (yunon. anomalia–notekislik) – anatomik, fiziolgik va psixik funktsiyalarning normal o’smasligidan iborat patopsixologik nuhson.