Abu ali ibn sino nomidagi buxoro davlat tibbiyot

3.2.3. Modulni oʼqitish davomida egallanadigan amaliy koʼnikmalar va kompetentsiyalar: 
Modul davomida talabalar inson organizmining aʼzolar va ularda kechadigan fiziologik 
jarayonlarni xatosiz va aniq koʼrsata bilishi, yaʼni fiziologiyani toʼgʼri tushunish uchun “fiziologik 
material”lardan foydalana olish; Talabalar tomonidan fiziologiya modulida olgan bilimlarini 
klinik sharoitlarda taxlil qilish koʼnikmalariga ega boʼlishi kerak. 
Modul davomida egallanadigan kompetentsiyalar (nomi, kodi) roʼyxati: 
UK 1 . Аbstrakt fikr yuritish, xodisalarni tahlil va sintez qilish qobiliyatiga ega boʼlish; 
UK 2. Dunyoqarashni shakllantirish uchun falsafiy bilimlarning asoslaridan foydalanish 
qobiliyati; 
UK 3. Nostandart vaziyatlarda harakat qilish qobiliyati, qabul qilingan qarorlar uchun ijtimoiy va 
ahloqiy javobgarlikni olishga tayyorlik; 
UK 4. Oʼz-oʼzini rivojlantirishga, anglashga, oʼqishga, ijodiy salohiyatdan foydalanishga 
tayyorlik; 
UKK 1 . Kasbiy faoliyatning standart vazifalarini axborot, bibliografik manbalar, biotibbiyot 
terminologiyasi, axborot-kommunikatsiya texnologiyalari va axborot xavfsizligining asosiy 
talablarini hisobga olgan holda hal qilishga tayyorlik; 
UKK 2. Professional faoliyatdagi muammolarni hal qilish uchun ogʼzaki va yozma ravishda rus va 
xorijiy tillarda muloqot qilishga tayyorlik; 
UKK 3. Tibbiy tashhis qoʼyishda koʼzda tutilgan tibbiy asboblardan foydalanishga tayyorlik. 
Modul davomida laboratoriya amaliyotni tashkil etish boʼyicha umumiy koʼrsatma va tavsiyalar: 
Talabalarning oʼquv amaliyotlari jihozlangan laboratoriya xonalarida oʼtkaziladi. Аmaliy 
mashgʼulotda amaliy koʼnikmalarga oʼrgatish jarayoni batafsil rejalashtiriladi va 3 bosqichni oʼz 
ichiga oladi: 
-kirish qismi – mashgʼulotning maqsadi va vazifalari aniqlanadi, oʼrganilayotgan koʼnikmadan 
foydalanishning motivatsion asosi, uning nazariy jihatlari muhokama qilinadi. Аgar texnik 
vositalarni qoʼllash talab etilsa (dinamometriya, EKG asbobi, tonometr, perimetr va sh.oʼ.), unda 
ularning taʼsir mexanizmi, qoʼllash texnikasi tanishtiriladi; 
-koʼnikmani namoyish qilib berish va koʼp marta mashq qilish – bunda koʼnikmani bosqichlarga 
toʼgʼri taqsimlashga alohida eʼtibor qaratiladi. Teskari aloqani olgunga qadar, yaʼni oʼrganayotgan 
shaxs mustaqil, biroq pedagog nazorati ostida bajara olganda, koʼnikmani bajarishning barcha 
bosqichlarini umumlashtirish, oʼzaro bir-birida koʼp marta mashq qilish va amaliy koʼnikmaga ega 
boʼlish; 
-xulosa – talaba ushbu koʼnikmaning pedagog nazoratida ahamiyatini muhokama qilish va uni 
turli vaziyatlarda qoʼllash. Oʼqitish jarayonida yuzaga kelgan muammmolarni aniqlash va hal 
qilish. 
Talabalarga bajarilayotgan amallar algoritmi mavjud boʼlishi lozim (kafedraning uslubiy 
qoʼllanmasida kasbiy yoʼriqnomalar batafsil yoritilgan, oʼquv xonasi devoriga sxema koʼrinishida 
osib qoʼyilgan boʼlishi lozim).Oʼqituvchi nazorat qiladi va kerak boʼlganda talabalar ishidagi 
xatoliklarni toʼgʼrilaydi. Talaba, uning xatosi nimada ekanligini, oʼqituvchiga va boshqa 
talabalarga tushuntirib beradi va soʼngra muolajani takrorlaydi. Interfaollik shunda namoyon 
boʼladiki, bunda boshqa talabalar ekspert sifatida chiqishga va oʼqitilayotgan talabaning amaliy 
koʼnikmani toʼgʼri oʼzlashtirganligini nazoratga tayyor boʼlishlari lozim.

---

9 
Mashgʼulot soʼnggida oʼqituvchi har bir talabaning amaliy koʼnikmani oʼzlashtirganlik 
darajasini baholaydi. Talaba amaliy koʼnikmani oʼzlashtira olmagan vaziyatlarda, mashgʼulotdan 
tashqari vaqtda mustaqil oʼzlashtirish tavsiya etiladi.