Abu ali ibn sino nomidagi buxoro davlat tibbiyot instituti tibbiy kimyo kafedrasi

1. O‘quv modulining dolzarbligi va oliy ta’limdagi o‘rni
Tibbiy kimyo moduli tibbiyot oliy ta’lim muassasalarida fundamental modullar qatoriga kirib, talabalarga kelgusidagi shifokorlik amaliyotida kerak bo‘ladigan kimyoning asosiy tushunchalari va qonunlarini tibbiyot yo‘nalishiga moslashtirgan holda o‘rgatadi. Dastur umumiy, analitik, fizik, kolloid kimyoning asosiy bo‘limlarini o‘z ichiga oladi va tibbiyot oliy ta’lim muassasalari talabalariga odam organizmida kechadigan jarayonlarning fizik-kimyoviy mohiyatini va ularning mexanizmini tushinib etish uchun zarur bo‘lgan bilimlarni egallab olishga imkoniyat beradi.
Shuningdek, modul dasturi organik kimyoning asosiy bo‘limlarini o‘z ichiga oladi va tibbiyot oliy ta’lim muassasalari talabalariga odam organizmida kechadigan jarayonlarning mexanizmini tushinib etish uchun zarur bo‘lgan bilimlarni egallab olishga imkoniyat beradi. Bu o‘z navbatida organizmning faoliyatini va uning atrof muxit bilan muloqatini, modda almashinuvini va unda kechadigan biokimyoviy reaksiyalarni chuqurroq tushinib etishga asos yaratadi. Tibbiy kimyo moduli tibbiyotning fundamental (klinik oldi) modullaridan biri hisoblanib informatika (matematika), biologiya, biofizika modullari unga nazariy zamin bo‘lib, bu modulda olingan bilimlar va amaliy ko‘nikmalar kelgusida biokimyo, normal va patologik fiziologiya, farmakologiya va barcha klinik modullarni o‘zlashtirishda nazariy (ilmiy) zamin bo‘lib hizmat qiladi.

2. O‘quv modulining maqsadi va vazifalari
2.1. Modulning maqsadi: umumiy, analitik, fizik, kolloid kimyo asoslari bo‘yicha bilimlarga ega bo‘lgan, fizik-kimyoviy jarayonlar mohiyatini bilgan holda fizik-kimyoviy kattaliklarni xisoblashni bajara oladigan, organik kimyo asoslari bo‘yicha bilimlarga ega bo‘lgan xolda, biokimyoning kirish qismi xisoblanadigan “Statik biokimyo”ni, biokimyoviy jarayonlarda qatnashuvchi biopolimerlar va bioboshqaruvchi moddalar tuzilishi, hossalari va funksiyalarini tushinadigan, ular ishtirokida boradigan jarayonlarni modellashtirib bajara oladigan, tirik organizmda kechuvchi kimyoviy jarayonlarning ilmiy asoslarini xujayra va molekulyar darajada tushinib eta oladigan, olingan nazariy bilimlarini amaliyotda qo‘llay oladigan mutahassislarni tayyorlash.