Abduvohidov S. N., Ganiyev Z. A. Geografiya ta’limi metodikasi

GEOLOGIK  TUZILISHI.
  Mezozoy  erasining  boshlarida  Shimoliy  Amerika 
qadimgi Lavraziyadan ajralib chiqqan. 
So’nggi 1 mln yil davomida Yevrosiyo bilan Shimoliy Amerika bir-biridan 40 km 
masofaga uzoqlashgan. 
Materikdagi  Kordilyera,  Qoyali  tog’lar,  Appalachi  tog’lari  kaledon,  gersin, 
mezozoy  tog’  burmalanishida  ko’tarilgan  bo’lib,  alp  burmalanishida  yoshargan. 
Tekisliklarda  cho’kindi  tig’  jinslari  uchrasa,  tog’larda  magmatik  va  metamorfik 
tog’ jinslari tarkib topgan.  
FOYDALI QAZILMALARI. 
Shimoliy Amerika foydali qazilmalarga boy. 
Tog’ va yassi tog’liklarda temir, uran, mis, nikel, oltin, kimish konlari bor. 
Ayniqsa, Appalachi tog’lari rudali qazilmalarga boy. 

---

308 
 
Cho’kindi  tog’  jinsi  qatlamlarida  neft,  tabiiy  gaz,  ko’mir,  tuz  kabi  qazilmalar 
tarkib topgan.  
RELYEFI. 
Materikni  relyef  tuzilishiga  ko’ra  ikki  qismga:  tekislik  va  tog’li 
qismga  bo’lish mumkin. 
Materikning  tog’li  qismi  uning  g’arbiy  hududlarini  egallagan.  Bu  yerda 
Kordilyera va Qoyali tog’ tizmalari asosiy relyef shakllaridir. 
Materikning  eng  baland  nuqtasi  –  Mak-Kinli    cho’qqisi  (6194  m)  va  eng  past 
nuqtasi – Ajal vodiysi  
(- 86 m) ham uning tog’li qismida joylashgan.  
Qoyali tog’lar Kordilyera tizimining suvayirg’ich qismi bo’lib, unda Elbert (4399 
m), Lange-Pik (4345 m), Gannet-Pik (4202m) va boshqa cho’qqilar bor. 
Katta  havzaning  janubi-sharqida  Kolorado  platosini  Kolorado  daryosi  kesib 
o’tadi.  Uning  chuqurlig  2  km  ga  yaqin  bo’lib,  tor  dara  –  Katta  Kanyonni  hosil 
qiladi. 
Materikning tog’li qismi Tinch okean “olovli halqasi”ga to’g’ri keladi.  
Tekisliklar materikning sharqiy qismini egallaydi. 
Materikning shimoliy qismida 
qirlar va adirsimon balandliklar 
uchraydi. 
Bu  hududlarda  Lavrentiy  qirlari,  Markaziy  tekislik,  Missisipi  pasttekisligi  va 
mashhur Buyuk tekisliklar asosiy relyef shakllaridir. 
Materikning  sharqiy  qismida  joylashgan  Appalachi  tog’ining  eng  baland  joyi 
Mitchel tog’idir (2037 m). Uning janubi-g’arbiy yonbag’rida dunyodagi eng uzun 
(500 km) Flint-Mamont g’ori joylashgan.