Abduvohidov S. N., Ganiyev Z. A. Geografiya ta’limi metodikasi

 
 
 
 
 

---

190 
 
 
 
 
 
 
 
 
 
 
 
7-rasm.Pedagogik texnologiyalarni tizimlashtirish
 
Demak, pedagogik  texnologiyalar an’anaviy  ta’limdan  tubdan  farq qilgan 
holda  tuziladi. U o‘zaro yopiq siklni va o‘zaro izchil bog‘liklikni  taqozo  etadi. 
Aniqlashtirilgan  maqsadlar  pedagogga  nazorat  ishini  belgilashda,  baholashda 
va usullarni aniqlashda katta imkoniyatlar  yaratadi. Barcha  etaplar bir maqsadga 
bo‘ysunadi va yuqori natijani kafolatlaydi. 
AQShda va Angliyada o‘qituvchi va talabalar uchun  alohida  aniqlashtirilgan  
maqsad  rejalari  tuzish  qabul  qilingan.  O‘qituvchilar  uchun  tushuntirish, 
ko‘rgazmali  qurollardan  foydalanish, o‘rgatish  kabilar  nazarda  tutilsa, talabalar 
uchun    talaba    dars  oxiriga    borib    nimani    bilishi,  ishlay    olishi,    qo‘llay    olish 
kerak  degan yo‘nalishda  tuzilgan. Darsdan  oldin  bilmagan  va  dars  davomida 
o‘rganib, uni   qo‘llay  oladigan  vazifalar   belgilangan. Talabalar ushbu mavzuni 
o‘rganishda  ulardan  nimalarni  bilish  va  bajara  olish  talab  etilayotganini  dars 
boshlanishdan  oldin  aniq  biladilar  va  dars  davomida  ana  shu  momentlarga  o‘z 
diqqatlarini  ko‘proq  qaratadilar.  Har  bir  qo‘yilgan    maqsadni    erishganlik  
darajasini  me’yorlarni  ishlab  chiqish  shart. Har bir qo‘yilgan maqsad alohida o‘z 
mazmaniga xos ravishda tekshiriladi va natijalar tahlil qilinib xulosalar chiqariladi. 
Buning    uchun  eng  avval  aniqlashtirilgan    maqsadlarni    ishlab    chiqish    zarur. 
Umumiy  maqsadlarni  esa  tekshirish  qiyin  va  bunda  har  bir  o‘qituvchi  o‘z 
tushunchasidan  kelib  chiqqan  holda  tekshirish  ishlarini  tashkil  etadi.  Umumiy 
maqsad  o‘qituvchi  nimaga  erishmoqchi  ekanligini  aniq  ko‘rsata  olmaydi, 
o‘quvchida esa umumiy tushunchalar hosil qilishgagina xizmat qiladi. 
Aniqlashtirilgan    maqsadli    loyihada    o‘qituvchi    aniq    tushunlardan  
foydalanishi    lozim.    Buning    uchun    aniq    va    mavhum    tushunchalarni    ajrata  
olishi  kerak.