Abduraxmonov Zayniddin Muxiddin o`g`li

Abduraxmonov Zayniddin Muxiddin o`g`li
1998-yil 3-dekabrda Toshkent viloyatining Bekobod tumanida tug`ilgan. Bolaligidan adabiyotga mehr qo'ygan, qiziqarli kitoblar mutolaasi esa eng sevgan ajralmas mashg'ulotiga aylanadi. Ilk she'rlarini ham o'sha damlardan, boshlang'ich maktab davrlaridan qoralay boshlaydi. 2012-yilda respublika miqyosida o'tkazilgan "Yangi avlod" ko'rik-tanlovining Nazm yo'nalishida tuman birinchiligini olib viloyat bosqichida ishtirok etadi. O'rta maktabdan so'ng o'zi qiziqmagan soha bo'yicha kollejga o'qishga kiradi. Shu vaqt oralig'ida kollej kutubxonasigina uni birdan bir sevimli joyiga aylanadi va ko'plab jahon adabiyoti namunalaridan bahramand bo'ladi. Orada bir qancha uzilishlar va ba'zi sabablardan bir yil oshiq vaqt mobaynida ijod qilmaydi. 2018-yil ko'pdan niyat qilib kelgan maqsadiga erishadi, Toshkent viloyati Chirchiq davlat pedagogika institutiga budjet asosida o'qishga kiradi. Hozirda ushbu institutning Tarix va tillar fakulteti O`zbek tili va adabiyoti yo`nalishi 2-kursida tahsil oladi.

Abduraxmonov Zayniddin Muxiddin o`g`li talabalar o`rtasida o`tkaziladigan har yilgi ilmiy konferensiyalarda va tanlovlarda ishtirok etib keladi. 2019-yil “O`zbekistonni ijtimoiy-iqtisodiy rivojlantirishda yoshlarning o`rni va roli” mavzusidagi Respublika ilmiy-amaliy konferensiyasida korrupsiya haqidagi tezisi e`lon qilingan. Shuningdek, joriy yilda o'tkazilayotgan korrupsiya bo'yicha respublika insholar tanlovida viloyat bosqichida 1-o'rinni qo'lga kiritib, respublika bosqichida ishtirok etayapti. Institutda tashkil etilgan

“ Iste`dod ” to`garagining yetakchi a`zosi. Ingliz tilini yaxshi biladi, eski o'zbek yozuvi va qisman fors tilini ham.

Adabiyotning nazm, nasr va publitsistika yo`nalishida ijod qiladi.

She`rlari “ Bekobod ovozi ”, “Bekobod ishchisi ” kabi gazetalarda bosilib chiqqan.

2019-yilda institutning bir qator ijodkor talabalaridan iborat “ Bahor valsi ” she`riy to`plamida she`rlari nashr etilgan.

Hayotdagi shiori: Asling kabi ko'rin yo ko'ringaning kabi bo'l.

Qiziqishi: Til o'rganish va adabiy jarayonlar.

Eng sevimli mashg'uloti: mutolaa

Sevimli asarlari: Jek London " Martin Iden ", A.Qodiriy " O'tkan kunlar ", Elif Shafaq " Ishqqa oid 40 qoida ", Dostoyevskiy asarlari.