Abdullayev davronning

Xorazm viloyati iqtisodiy kartasi tahlili.

Manbaning nomi - O’zbekiston iqtisodiy va ijtimoiy geografiyasi atlasi (8-sinf)

Karta nomi - Xorazm viloyati iqtisodiy kartasi.
Masshtabi - 1:1 250 000
Karta mazmunini yoritishda qo’llanilgan kartografik usullar - Kartada qishloq xo’jaligining ixtisoslashuvi , ya’ni sug’orma dehqonchilik va cho’l-yaylov zonalari sifatli fon usulida tasvirlangan. Keng tarqalgan o’simlik va hayvon rayonlari areallar usuli orqali tasvirlangan. O’simlik va hayvonlarning tabiiy belgilaridan foydalanilgan. Yalpi sanoat mahsuloti bo’yicha sanoat punktlari hamda sanoat tarmoqlari belgilar usuli orqali tasvirlangan. Ya’ni o’sib boruvchi doiraviy diagrammalar orqali ularning hajmi tasvirlangan. Sanoat tarmoqlari tarkibi turlari ranglar orqali ajratilgan. Undiruvchi sanoat tarmoqlari ham belgilar usulining geometric belgilari orqali tasvirlangan. Chiziqli belgilar orqali esa, elektr uzatish liniyalari va neft va gaz quvurlari tasvirlangan. Sanoat va qishloq xo’jaligi yalpi mahsulot hajmi kartadiogramma usulining ustunli diagrammalari orqali tasvirlangan. Bunda 1mm ustun balandligiga miqdor belgilangan. Kartada qo’shimcha ma’lumot sifatida Xorazm viloyatining respublikamiz bo’yicha hudud, aholi soni, yalpi ichki mahsuloti, sanoat mahsuloti, qishloq xo’jaligi mahsuloti, donli ekinlar ekin maydoni, paxta ekin maydonlari bo’yicha ulushi berilgan. Shahar va qishloq aholisi ulushi diagramma shaklida kartaga qo’shimcha ma’lumot sifatida berilgan. Bundan tashqari kartaga qo’shimcha qilib respublikamiz miqyosida Xorazm viloyatining o’rnini ko’rsatuvchi kesma karta berilgan.