Абдуллаева Қ

2. Муаммони ҳал қилиш методи.
Муаммони ҳал қилиш методи ёки муаммога қаратилган метод – муаммони аниқлаш ва уни ҳал қилишнинг энг маъқул йўлларини топишга ўқувчининг тайёрлигини текшириб кўриш учун қўлланилади. Муаммони ҳал қилишга асосланган машғулот бутун гуруҳнинг иштирок этишини талаб қилади.
Методнинг афзалликлари:

• 
  ўқувчилар реал ҳаётда учрайдиган муаммога дуч келиб, бунга жавоб қидиришади – ўқишга рағбат кучаяди (нималарни биламан-у, яна нималарни билиб олишим керак);
  
• 
  тўқишга оид нуқтаи назардан фикрлаш қобилияти ривожланади;
  
• 
  мустақил ишлаш малакалари ривожланади;
  
• 
  ўқувчилар билим ва малакаларини конкрет вазиятда ишлатишга ўрганадилар.
  

Муаммони ҳал қилиш методи аввало ўқувчининг ўз фаоллиги ва ташаббусини кўзда тутади, тўқишни ўрганишнинг яхши методларидан бири бўлиб ҳисобланади.
3. “Ручка стол ўртасида” методи.
Бутун гуруҳга топшириқ берилади (Масалан, буюмни тўқишда энг биринчи нимани эътиборга олиш керак). Ҳар бир ўқувчи битта жавоб вариантини бир варақ қоғозга ёзиб, уни қўшнисига беради, ўз ручкасини эса, столнинг ўртасига суриб қўяди. Жавобни билмайдиган киши қоғозни кейинги ўқувчига узатади. Бу методиканинг яна бир шарти: битта вариантни икки қайта бериш мумкин эмас, бошқача айтганда, қайтариқлар бўлишига бу ўринда йўл қўйилмайди.
Топшириқ бажарилди. Жавоб вариантлари ёзилган қоғоз ўқитувчида. У ўша вариантларни санаб ўтади. Вариантлар санаб ўтилар экан, уларнинг ҳар бири бир йўла муҳокама қилиб борилади.
“Ручка стол ўртасида” методининг бир қанча афзалликлари бор:

• 
  ўқитувчи машғулотга ким тайёр, ким тайёрмаслигини кўриб туради;
  
• 
  машғулотга тайёрланмаган ўқувчи оғзаки муҳокама пайтида кўриб чиқилаётган мавзу юзасидан анчагина фойдали билимлар олиши мумкин;
  
• 
  бу – гуруҳда олиб бориладиган иш бўлиб, ўқувчилар интизомини мустаҳкамлайди ва уларни жипслаштиради, чунки ўз варианти устида жуда узоқ ўйлаб ўтирадиган ўқувчи бутун гуруҳга ажратилган вақтни сарфлайди. Шунингдек, ўқувчи машғулотга тайёр бўлмаса, бунда ҳам у гуруҳга панд беради, чунки гуруҳ унинг учун ишлаши керак бўлади;
  

- ўқувчилар ўз жавобларини икки марта: ёзма иш пайтида ва оғзаки муҳокама вақтида таҳлил қилиб чиқишади.