Abdulla qodiriy nomli jizzax davlat pedagogika instituti pedagogika ta

Bitiruv malakaviy ishning o’rganganlik darajasi: oila, oila tarbiyasi, qiz bolalarni oilaviy hayotga tayyorlash muammosi pedagog, psixolog, sotsiolog, faylasuf va jamiyatshunos olimlar tomonidan atroflicha o’rganib kelinmoqda. Markaziy Osiyoda yashab o’tgan qomusiy olimlardan Abu Nasr Forobiy, Abu Rayhon Beruniy, Abu Ali ibn Sino, Yusuf Xos Hojib, Ahmad Yugnakiy, Jaloliddin Davoniy, Abdurahmon Jomiy, Alisher Navoiy, shuningdek, Mahmudxo’ja Behbudiy, Abdulla Avloniy, Cho’lpon, Abdurauf Fitrat kabi ma’rifatparvar bobolarimizning asarlarida ushbu masalaga alohida e’tibor berilgan.

Keyingi yillarda oila, oila tarbiyasi va qizarni oilaga tayyorlashga bag’ishlangan bir qator ilmiy-tadqiqot ishlari amalga oshirildi. Jumladan, Yu.P.Azarov, G.M.Hamidova, A.K.Atoyev, M.J.Inoyatova, O.To’rayeva, M.Ochilov, J.Yo’ldoshev, M.Quronovlarning ushbu masalaga oid yozgan darslik, o’quv qo’llanma, uslubiy tavsiya, ilmiy maqola va tadqiqot ishlarida o’z aksini topgan. Psixolog olimlardan M. Sherbayev, V. Karimova, G’. Shoumarov, E. G’oziyev, Sh. Baratovlarning ilmiy-tadqiqot ishlarida oila tarbiyasining psixologik tomonlari kengroq yoritilgan. Faylasuf olimlardan V.Zohidov, I.Mo’minov, J.Tulenov, Q.Xonazarov, M.Xayrullayev, S.Shermuhammedov, E.Yusupov, F.Ismoilovlarning asarlarida va ilmiy-tadqiqot ishlarida shaxsning shakllanishi, uning ma’naviy-axloqiy kamoloti masalalariga e’tibor qaratilgan. Mustaqillik yillarida oila va oilaviy tarbiya muammolari masalasida pedagog olimlardan A.Munavvarov, O.Musurmonova, M.Inomova, M.Mahmudova, A.Muxsiyevalar o’zlarining ilmiy-tadqiqot ishlarida ushbu masalani yoritishgan. Masalan, p.f.d. professor O.Musurmonova “Yuqori sinf o’quvchilari ma’naviy madaniyatini shakllantirishning pedagogik asoslari”, p.f.d. prof. M.Inomovaning “Oilada bolalarni ma’naviy-axloqiy tarbiyalashda milliy qadriyatlardan foydalanishning pedagogik asoslari” (mustaqil hayot ostonasidagi yoshlari) mavzusidagi dissertasiyalari shular jumlasidandir. Oilada qizlarni oilaviy hayotga tarbiyalash muammosi pedagog-psixolog olimlar tomonidan muayyan darajada o’rganilgan bo’lsada, ammo hayot bu jarayonni yanada takomillashtirishni talab qilmoqda. Shuning uchun biz tadqiqotimiz mavzusini “Oilada qizlarni oilaviy hayotga tarbiyalash” tarzida tanladik.