Abdulla Oripov. She’rlar. “Jannatga yo’l” dramatik dostoni Dars rejasi

Sen bahorni sog'inmadingmi?
Uyg'onguvchi bog'larni kezdim,
Topay dedim qirdan izingni.
Yonog'ingdan rang olgan dedim —
Lolazorga burdim yuzimni,
Uchratmadim ammo o'zingni,
— Sen bahorni sog'inmadingmi?

Uzoqlardan zalvorli tog'lar

Xayolimni keldilar bosib.
Kechdi qancha intizor chog'lar,
Vasling menga bo'lmadi nasib,
Sensiz men ham, bahor ham g'arib,
—Sen bahorni sog'inmadingmi?
O’ngurlarda sakraydi ohu,
Na'matakda sa'va mittijon.
G'orlikdardan sipqorilgan suv
Dalalarda uradi javlon.
Nigohimdan faqat sen pinhon,
- Sen bahomi sog'inmadingmi?
Mana, bugun navro'zi olam,
Do'stlarimga gullar tutarman,
Qaylardasan, sevgili erkam...
Qo'limda gul, seni kutarman,
Umrim bo'yi chorlab o'tarman:
— Sen bahorni sog'inmadingmi?


Birinchi muhabbatim
Kecha oqshom falakda oy bo'zarib botganda,
Zuxro yulduz miltirab, xira xanda otganda,
Ruhimda bir ma'yuslik sokinlik uyg'otganda,
Men seni esga oldim, birinchi muhabbatim,
Eslab xayolga toldim, birinchi muhabbatim.
O'tdi yoshlik zavq bilan, gohi to'polon bilan,
Gohida yaxshi bilan, gohida yornon bilan,
Ayri ham tushdim ba'zan qalb bilan, iymon bilan.
Lekin seni yo'qotdim, birinchi muhabbatim,
Mangu g'aflatda qotdim, birinchi muhabbatim.
Dunyo degan shundayin anglab bo'lmas sir ekan,
Goh keng ekan, gohida tuynuksiz qasr ekan,
Lekin inson hamisha bir hisga asir ekan...
Nechun bilmovdim avval, birinchi muhabbatim,
Parvo qilniovdim avval, birinchi muhabbatim.
Holbuki orzulardan judo ham bo'lganim yo'q,
Yulduzday kulganim yo'q, oy kabi to'lganim yo'q,
Erta xazon gul kabi sarg'ayib so'lganim yo'q,
Seni eslab yig'layman, birinchi muhabbatim,
Eslab bag'rim tig’layman, birinchi muhabbatim.
Yo'lin yo'qotsa odam — muhabbatga suyangay,
G'ussaga botsa odam — muhabbatga suyangay,
Chorasiz qotsa odam — muhabbatga suyangay,
Men kimga suyangayman, birinchi muhabbatim,
Faqat eslab yig'layman, birinchi muhabbatim.
Nido bergil, qaydasan, sharpangga quloq tutdim,
Sirli tushlar ko'rib men bor dunyoni unutdim.
Tongda turib nomingga ushbu she'rimni bitdim,
Dildagi ohim mening, birinchi muhabbatim,
Yolg'iz ollohim mening, birinchi mudabbatim.

Aim.uz