Abdulla avloniy pandlar, hikoyalar, kitobidan

 

 

 

 

To'rtinchi payg'ambar 

 

 

 

HAZRAT NUH ALAYHISSALOM 

 

 

Idris  alayhissalomdan  so'ng  odam  bolalari  orasinda  to'g'ri  yo'ldan  chiqub, 

butlarga  cho'qunmak  kabi  yomon  ishlar  ko'paydi.  Janob  Haq  alarga  to'g'ri  yo'lni 

ko'rsatmak  uchun  Nuh  alayhissalomni  payg'ambar  qilub  yubordi.  Hazrat  Nuh 

qavmlarini imonga da'vat qildilar, faqat uch o'g'illari ila sakson kishi imon kelturdi. 

Boshqalariga nasihat qilsalar izo va jafo qildilar. Alarni imonlarindan umid uzub, 

jafolariga sabr qilolmay, duoyibad qildilar. Duolari qabul bo'lub, Alloh tarafindan: 

«Kema  yasa»,  -  deb  vahiy  keldi.  Nuh  alayhissalom  kemani  bir  xoli  yerda  tayyor 

qilg'onlarindan so'ng to'fon alomatlari paydo bo'ldi. Hazrat Nuh mo'minlarni olub, 

ham  har  xil  hayvonlardan  bir  juft  olub,  kemaga  tushdilar.  Yom  ismli  o'g'illari: 

«Man  tog'ga  chiqub  qutulurman»,  -  deb  turgan  zamonda  bir  to'lqun  paydo  bo'lub 

halok  qildi. Butun  yer  yuzi  suv  birla  to'ldi, suv  baland  tog'lardan  ham  oshub, yer 

yuzindagi barcha insonlar va hayvonlar halok bo'ldilar. To'fon olti oy davom etub, 

so'ngra  suvlar  kamaydi.  Nuh  alayhissalomni  kemalari  Eronistonda(gi)  Qorabog' 

degan yerda (Judi) ismli tog'da to'xtadi. Kemada uch o'g'illarindan boshqa insonlar 

halok  bo'ldilar.  Hozirgi  insonlar  hazrat  Nuhning  (bu)  uch  o'g'illarindan  tarqaldi. 

www.kitob.uz saytida elektron kitoblar, audio ertaklar, darsliklar mavjud

---

Xom  ismli  o'g'illaridan  habash  va  zanjiylar,  Som  ismli  o'g'illaridan  arab,  fors  va 

rum  qavmlari,  Yofas  ismli  o'g'illaridan  turk,  totor,  mo'g'ul  xalqlari  tarqaldi. 

Shuning uchun Nuh alayhissalomni ikinchi Odam deyilur. Nuh alayhissalom ming 

yilcha umr ko'rub, to'fonning uch yuz elliginchi yilinda vafot bo'ldilar.