Abdulla Avloniy asarlari orqali talabalarda yuksak axloqiy fazilatlarni shakllantirish”

7. Tadqiqot predmeti: Abdulla Avloniy asarlari asosida talabalarda yuksak axloqiy fazilatlarni shakllantirish mazmuni, shakli, metod va vositalari.
8. Tadqiqot usullari:

1. 
   Muammoga doir falsafiy, psixologik, pedagogik adabiyotlarni o‘rganish va tahlil etish.
   
2. 
   DTS, o‘quv rejasi, dasturi, darslik va texnikum hujjatlarini o‘rganish.
   
3. 
   Sotsiologik-pedagogik (kuzatish, suhbat, so‘rovnoma).
   
4. 
   Pedagogik eksperiment.
   

9. Tajriba-sinov maydoni: bakalavr talabalari
10. Tajriba-sinovni amalga oshirish bosqichlari:
1. Tashxis va bashorat qilish bosqichi (pedagogik diagnostika obyektlarini belgilash; muammo va mavzuni shakllantirish; tajriba-sinov maqsadi, ilmiy farazi hamda vazifalarini belgilash; tajriba sinov dasturini ishlab chiqish).
2. Tashkiliy-tayyorgarlik bosqichi (tajriba-sinov maydonini va ishtirokchilari tarkibini aniqlash; pedagogik jarayon tavsifini belgilash; tajriba-sinov ishlari metodik ta’minotini ishlab chiqish; tajriba-sinov ishlari tashkiliy ta’minotini ishlab chiqish).
3. Amaliy bosqich (ta’kidlovchi, shakllantiruvchi va nazorat qiluvchi tajriba-sinov ishlari; tajriba-sinov ishlarini guruhlarda bosqichma-bosqich, parallel yoki aralash holda amalga oshirish).
4. Umumlashtiruvchi bosqich (tajriba-sinov ishlarini natijalash, algoritmini ishlab chiqish; tadbiqiy bosqichi).
11. Tajriba-sinov ishlari natijalarini baholash:
Tajriba-sinov ishlari natijalarining samaradorligini baholashni obyektivligini ta’minlash muhim prinsipial ahamiyatga ega bo‘lib, birinchi bosqich bo‘lgan – ta’kidlovchi tajribalar hisoblanadi. Ta’kidlovchi tajriba Abdulla Avloniy asarlari orqali talabalarda axloqiy fazilatlarning shakllanganligi to‘g‘risida xulosa qilinadi, uning asosida muayyan prognozlar qilish imkoni paydo bo‘ladi. Prognozlar asosida birinchidan, keyingi tajriba-sinov ishlarini rejalashtirish mumkin bo‘ladi, eng asosiysi, tajribaning natijaviy qismida olinadigan ma’lumotlarni dastlabki obyektivlashtirilgan ma’lumotlar bilan solishtirish mumkin bo‘ladi. Tajriba davomida axborot olishning quyidagi metodlaridan foydalaniladi: anketa, so‘rovnoma, suhbat, kuzatish va h.k.
Empirik axborotlarni olish uchun har biri 30 kishidan iborat nazorat va tajriba guruhlari aniqlab olinadi. Tajriba guruhlariga tajribaning shakllantiruvchi bosqichida maxsus kursda ishtirok etishga rozi o‘quvchilar tanlab olinadi.
Tajriba guruhi ishtirokchilari bilan tajribaning shakllantiruvchi bosqichi o‘tkazilgandan so‘ng, olingan natijalarni solishtirish uchun nazorat guruhi bilan ham so‘rovnoma o‘tkaziladi.
Tajriba o‘tkazish natijalarini bunday solishtirish shakllantiruvchi bosqichning samaradorligini tasdiqlash uchun zarurdir. Shakllantiruvchi bosqich davomida Abdulla Avloniy asarlari orqali talablarda axloqiy fazilatlarni shakllantirishga doir kompleks chora-tadbirlar amalga oshiriladi. Tanlovning soni va tuzilmasi berilgan aniqlik va tadqiqot spetsifikasiyaning talablari bilan asoslanadi. Xulosalarning ishonchliligini 5%dan kam bo‘lmagan aniqlik darajasida ta'minlash uchun asosiy metodikalar bo‘yicha natijalarning ma'lum o‘zgaruvchanligi parametrlari holatida o‘tkazilgan tanlov reprezentativ hisoblanadi.