Abdujabbor muhammadiyev

Huquqiy  axborotlarni  olish  tartibi  ommaviy  axborot  vositalari 
to'g'risidagi  qonun  hujjatlari  bilan  belgilanadi.  O'zbekiston 
Respublikasi  Konstitutsiyasining  27-moddasiga  muvofiq,  fuqaro- 
larning  shaxsiy  hayotiga  tegishli  m a’lumotlardan  foydalanilishi 
mumkin  emas.  Yuridik  muassasalar  ommaviy  axborot  vositalari 
tomonidan  amalga  oshiriladigan  huquqiy  turmush  faktlari  va  hod- 
isalarini  yoritish  ishida  faol  ishtirok  etadilar.
Yuqorida  aytilganlardan  shunday  xulosa  chiqarish  mumkin: 
so'nggi  yillarda  qonunchilikning  rivojlanishi  ommaviy  axborot  vosi- 
talarining  huquq  sohasidagi  faoliyatining  normativ  negizini  yaratib 
berdi.  Shu  bilan  birga,  mazkur  qonun  hujjatlari  mukammal  emas, 
ular  tartibga  keltirilishi  va  qat’iy  tizimga  solinishi  lozim.
Ommaviy  axborot  vositalarining  huquqiy  axborotlar  sohasidagi 
funksiyalarini  quyidagicha  tavsiflash  mumkin:
1.  Axborot  funksiyasi:  jamiyatning  turli  ijtimoiy  tabaqalari  va 
ijtimoiy  guruhlariga  axborot  berish;  yangi  qonunlar  va  boshqa 
normativ  huquqiy  hujjatlarning  tayyorlanishi  va  qabul  qilinishi 
haqida  xabarlar  berish.
2.  Operativ  funksiya:  davlatning  muhim  huquqiy  hujjatlariga 
nisbatan  jamiyatning  munosabatini  aniqlash.
3.  Muvofiqlashtirish  runksiyasi:  ko'pchilik  fuqarolar  va  ijtimoiy 
tabaqalarda  huquqiy  qadriyatlar  modellarining  birligini  o'matish.
4.  Mafkuraviy  funksiya:  har  bir  fuqaro  va  butun  jamiyatda 
yuksak  darajadagi  huquqiy  ongni  tarbiyalash,  qonuniylik  va  hu- 
quq-tartibot  g'oyalarini  targ'ib  qilish;  qonun  hujjatlari,  institutlari  va 
normalarini  ilmiy-amaliy  talqin  qilish  amaliyotini  tarqatish;  huquq 
ijod  qilish,  huquqni  qo'llash  va  muhofaza  qilish  organlarining 
faoliyatini  yoritib  borish.
Ko'rib  chiqilayotgan  sohada  hal  qilinmagan  masalalar  juda 
ham  ko'p.  Yaqin  vaqt  ichida  quyidagi  vazifalarni  hal  qilish  zarur:
ommaviy  axborot  vositalari  faoliyati  masalalarini  yanada  puxta 
tartibga  solish;
ommaviy  axborot vositalarida  O'zbekiston  huquqi  (konstitutsiya- 
viy,  fuqarolik,  jinoyat  huquqi  va  boshqalar)ning  har  xil  institut  va 
normalari  teng  hajmda  yoritilishiga  erishish;
www.ziyouz.com kutubxonasi

---

tahliliy  asosni  yanada  kuchaytirish  -   ommaviy  axborot  vosita­
larining  asosiy  vazifasi  davlat  va  huquq  haqida  umumiy  tasawur 
berish,  turli  ijtimoiy  tabaqalaming  huquqiy  ongini  o'stirishdan  ibo­
rat  ekanligini  nazarda  tutish;
materiallar  taqdim  etishning  yuksak  madaniyatiga  erishish; 
barcha  ommaviy  axborot  vositalarida  davlat  va  huquq  haqidagi 
ma’lumotlarning  muntazam  va  tizimli  oqimlarini  tashkil  etish.
Ommaviy  axborot  vositalarining  huquqiy  axborotlar  tarqatish 
sohasidagi  faoliyati  rasmiy  e ’lon  qilish  bilan  to'ldirilishi  lozim.
Normativ  hujjatlarni  rasmiy  e’lon  qilish  -   muhim  axborot  kanal- 
laridan  biridir.