Abdufattox abdugapparov

4. Uy vazifasini mustaqil bajarishni to‘g‘ri tashkil qilish 
 
Barcha  hunar  sohiblari  qatori  bo‘lg‘usi  sozanda  agar  o‘z  hunarini  puxta 
egallamoqchi 
va  uni  san’at  darajasiga  yetkazmoqchi  bo‘lsa,  asosiy 
mashg‘ulotlardan keyin uyda har kuni  mustaqil ravishda mutaxassislikdan kamida 
to‘rt  soat  dars  tayyorlashi  maqsadga  muvofiq.  Mustaqil  mashg‘ulotlarni  to‘g‘ri 
tashkil  qilinishi  esa  berilgan  vazifaga  ongli  yondoshish  va  mashg‘ulotlar 
izchilligidan kelib chiqadi. 
Ta’limning  dastlabki  davrlaridan  boshlab  talabalarni  mustaqillikka, 
topshirilgan  vazifani  katta  mas’uliyat  bilan  bajarishga  va  shaxsiy  tashabbusini 
rivojlantirishga o‘rgatish ijodkorlikka va mehnatsevarlikka olib keladi. Bunda uyda 
tayyorlanadigan  dars  sinfda  o‘tkazilgan  mashg‘ulotning  davomi  ekanligini 
o‘quvchi  chuqur  anglab  yetishi,  uning  vaqti  va  davomiyligini  talabaning  o‘zi 
mustaqil  rejalashtirishi  hamda  undan  samarali  foydalanishi  zarur.  Chu  bilan  birga 
mashq qilish va dam olishni to‘g‘ri tashkil etish ham katta ahamiyatga ega. 
Talaba  uydagi  mashg‘ulotlari  paytida  mashhur  ijrochilar,  ansambllarning 
turli yozuvlarini to‘plashi va eshitib borishni ham unutmasligi kerak.  

---

 
126 
Shuningdek, o‘z ijrosini  magnitofonga  yozib olib, uni tanqidiy tahlil qilishi, 
xatolarini  to‘g‘rilab,  ko‘ngildagidek  chiqqunicha  takror  yozishi  maqsadga 
muvofiq.  Uy  vazifasini  bajarilishida  muallimning  ota-onalar  bilan  doimiy  aloqasi 
juda muhim bo‘lib, ular birgalikda o‘quvchining uyda muntazam dars tayyorlashini 
nazorat qilib borishlari katta samara berishi shubhasiz. 
Milliy cholg‘ular kafedrasi talabasi faqat mutaxassislikdan kuniga taxminan 
to‘rt  soat  mashq  qilsa,  vaqtni  quyidagicha  taqsimlashi  mumkin:  25-30  minut 
cho‘zimli  tovushlarni  chalishi;  45  minut  mashq  va  zamzamalar;  45  minut  yirik 
shakldagi mashqlar; 30 minut ansambl asarlarini qiyin joylari ustida ishlash; 1 soat 
30 minut badiiy musiqiy asarlar ustida ishlashi maqsadga muvofiq. Bunday mashq 
qilish  talaba  xohishiga  va  muallim  maslahatiga  ko‘ra  ko‘proq  ertalab 
ovqatlanganidan  keyin  yarim  soat,  45  minut  o‘tgach,  asosiy  mashg‘ulotlargacha 
(7.00  dan  9.00  gacha)  texnik  mashg‘ulotlar  va  kunning  ikkinchi  yarmida  yoki 
kechqurun ansambl kuylari va badiiy asarlar ustida ishlagani ma’qul.