А. Ш. Бекмуродов, Я. К. Карриева, И. У. Нематов, Д.Ҳ. Набиев, Н. Т. Каттаев, Г. А. Абдилакимов

Қисқача хулосалар 
 
1.Чет эл инвесторлари, асосан, даромад (фойда) олиш мақсадида 
тадбиркорлик фаолияти ва қонун ҳужжатларида тақиқланмаган бошқа турдаги 
фаолият объектларига қўшадиган барча турдаги моддий ва номоддий 
бойликлар ва уларга доир ҳуқуқлар, шу жумладан, интеллектуал мулкка доир 
ҳуқуқлар, чет эл инвестицияларидан олинган ҳар қандай даромад Ўзбекистон 
Республикаси ҳудудида чет эл инвестициялари деб эътироф этилади. 
2.Бозор иқтисодиѐти ислоҳотларини чуқурлаштириш, иқтисодиѐтни 
эркинлаштириш ва мулк ҳуқуқини ҳимоя қилишни мустаҳкамлашга қаратилган 
чора-тадбирларнинг амалга оширилиши мамлакатимизда инвестиция муҳитини 
яхшилаш ҳамда ҳажми тобора ортиб бораѐтган хорижий инвестицияларни жалб 
қилишда ижобий таъсир кўрсатади. 
3.Тузилмавий инвестиция сиѐсати ҳудудлар, тармоқлар ва корхона 
инвестиция сиѐсатларидан таркиб топиб, улар ўзаро боғлиқдир. Ҳудудлар 
инвестиция сиѐсати инвестицияни сарфлашда аҳоли, ҳудуд ва инвестор 

---

79 
манфаатларини ҳисобга олган ҳолда самарали ишлатишга имкон берувчи 
ҳудудда олиб бориладиган чора-тадбирлар мажмуи.
4. Инвестиция дастурларида муайян даврда амалга оширилиши 
мўлжалланган лойиҳалар, уларнинг бажарилиш босқичлари ва сарфланиши 
кўзда тутилган маблағлар қиймати ҳудудлар ва тармоқлар бўйича акс 
эттирилади. Инвестиция дастурлари узоқ муддатга мўлжалланган бўлиб, унда 
ҳар бир йил учун мўлжалланган чора-тадбирлар алоҳида ифодаланган бўлади. 
Назорат учун саволлар 
 
1.Хорижий инвестицияларнинг иқтисодий моҳиятини тушунтириб беринг. 
2.Хорижий инвестицияларни иқтисодиѐтга жалб қилишнинг объектив 
зарурлигини асослаб беринг. 
3.Ўзбекистон Республикасида яратилган қандай имтиѐзли молиявий 
шароитлар мавжуд? 
4.Ўзбекистон Республикасининг инвестиция сиѐсати қандай ўзига хос 
жиҳатларга эга? 
5.Тузилмавий инвестиция сиѐсати нима? 
6.Хорижий инвестицияларни миллий иқтисодиѐтга жалб қилишнинг 
қандай шакллари мавжуд? 
7.Ўзбекистон Республикасида инвестицияларни жалб қилишнинг қайси 
асосий йўналишларини биласиз? 
8.Инвестиция дастурининг мақсади ва вазифалари нималардан иборат? 
9.Ўзбекистон Республикасининг инвестиция дастурининг моҳиятини 
тушунтириб беринг.