A s daminov, B. S. Salimov

Yomg‘ir  chuvalchangining  ichki  tuzilishi. 
Chuvalchangni  ichki  tuzilishini 
o‘rganish  uchun  yomg‘ir  chuvalchangini  mumli  yoki  parafinli  vannachaga  elka 
tomonini  yuqoriga  qaratib  qo‘yib,  bosh  tomonini  to‘g‘nag‘ich  yordamida  vannaga 
sanchib biriktiriladi. So‘ngra chuvalchang tanasini biroz cho‘zib, keyingi tomonini ham 
to‘g‘nag‘ich yordamida vannachaga biriktiriladi. Keyin o‘tkir skalpel yoki uchi o‘tkir 
qaychi  yordamida  dum  tomonidan  to  boshqismigacha  teri  –  muskul  haltasi  kesiladi. 
Pinset  yordamida  teri  –  muskul  xaltasini  qayirib,  bo‘g‘imlarni  bir  biridan  ajratib 
turuvchi  to‘siq  –  dissepiment  pardalar  kesiladi.  Shundan  keyingina  teri  –  muskul 
xaltasini  qayirib  to‘g‘nag‘ichlar  yordamida  vannaga  qadab  qo‘yiladi.  Vannaga  suv 
solib,  qo‘l  lupasi  yordamida  ichki  organlar  va  ularning  joylashish  tartibini  o‘rganish 
mumkin.  

---

52