A s daminov, B. S. Salimov

Qon  aylanish  sistemasi.
  Yurak  3  kamerali:  2  ta  yurak  bo’lmasi,  1 
ta yurak qorinchasidan tashkil topgan bo’lib, ko’krak qafasining oldingi 
qismida  (ventral)  qorin  tomonda  joylashgan.  Yurak  qorinchasi 
amfibiyalarnikiday  chala  to’siq  bilan  bo’lingan  bo’lib,  o’ng  (venoz)  va 
chap  (arterial)  qorinchaga  ajralgan.  Arterial  konus  reduksiyalangan, 
venoz sinusi esa o’ng yurak bo’lmasiga qo’shilgan. Arterial sistemasida 
o’zgarishlar  yuz  bergan.  Avvalo  yurak  qorinchasidan  mustaqil  holda 
uchta qon tomiri chiqadi. Gavdaning keyingi qismidan venoz qon dum, 
chanoq  va  son  venalariga  yig’iladi.  Bularning  bir  qismi  buyraklarga 
kirib,  buyrak  qopqa  sistemasini  hosil  qiladi  va  ulardan  keyingi  toq 
venani hosil kiladi. Qolgan venoz qon qorin  venasiga yig’iladi, jigarda 
jigar  qopqa  venasini  hosil  qiladi.  Jigarda  venoz  qon  keyingi  kovak 
venaga qo’yiladi. Keyingi kovak vena o’ng yurak bo’lmasiga qo’yiladi. 
Gavdaning  bosh  qismidan  venoz  qon  juft  buyinturuq  venaga  qo’yilsa, 
oldingi oyoqlardan umrovosti venalariga to’planadi. Bular qushilib, juft 
oldingi  kovak  venani  hosil  qiladi.  O’pkalarda  qon  o’pka  venasi  nomi 
bilan kelib, chap yurak bo’lmasiga ochiladi.