A s daminov, B. S. Salimov

Ko‘p hujayralilarning kelib chiqishi.
 Ko‘p hujayralilarning bir hujayralilardan 
kelib  chiqqanligi  isbot  qilingan.  Lekin  ular  bir  hujayralilarning  qaysi  guruhidan 
kelib chiqqanligi to‘g‘risida turli fikrlar mavjud. 
Ko‘p hujayralilarning kelib chiqish muammosini hal etishda koloniya bo‘lib 
yashovchi  hayvonlar  muhim  o‘rin  tutadi.  Ko‘p  hujayralilarni  volvoksga  o‘xshash 
koloniyali xivchinlilardan kelib chiqqanligini hozir ko‘pchilik olimlar tan olishgan. 
Ko‘p  hujayralilar  tuzilishiga  ko‘ra  tuban  va  yuqori  darajada  rivojlangan  ko‘p 
hujayralilarga  bo‘linadi.  Boshqa  bir  morfologik  xususiyatlariga  ko‘ra  ko‘p 
hujayrali  organizmlar  ikki  va  uch  qavatlilarga,  tana  bo‘shliqsiz,  birlamchi  yoki 
ikkilamchi tana bo‘shliqlilar va hakozo guruhlarga ajratilgan.   
Tuban  darajada  rivojlangan  ko‘p  hujayralilarga  Bulutlar-sporogia  va 
Kavakichlilar-Coclentrata  tiplari  misol  bo‘ladi.  Ushbu  tiplarga  kiruvchi  ko‘p 
hujayralalar ikki qavatli organizmlar bo‘lib ularda organ va toqimalarda bo‘lmaydi, 
ularning  tanasida  turli  vazifalarni  bajaruvchi  hujayralar  guruhlari  mavjud. 
Bulutlarga  nisbatan  Kavakichlilar  bir  muncha  progressive  belgilarga  ega, 
evolyutsion jarayonda esa ulardan dastlabki uch qavatli, organ va toqimalarga ega 
bo‘lgan yuqori rivojlangan ko‘p hujayralilar kelib chiqqan.