A rafiyev, G. Muxamedjanova

Akademik Flora Inoyatova

Tibbiyot fanlari doktori, professor, O‘zbekiston Respublikasi Fanlar akademiyasining haqiqiy a’zosi Flora Inoyatova mamlakatimizda yangi avlod pediatr-gepatologlar ilmiy maktabini yaratgan atoqli olimadir. Respublika ixtisoslashtirilgan pediatriya ilmiy-amaliy tibbiy markazi gepatologiya bo‘limining rahbari sifatida Flora Inoyatova zamonaviy o‘zbek tibbiyoti taraqqiyotiga ulkan hissa qo‘shmoqda. Atoqli oli- maning jigar sirrozini davolash bo‘yicha yaratgan ilmiy tadqiqotlari dolzarbligi, keng qamrovliligi, sog‘liqni saqlash amaliyoti bilan uzviy bog‘liqligi jihatidan muhim ahamiyat kasb etadi. Uning kashfiyotlari Rossiya, Hindiston kabi davlatlarning nufuzli xalqaro mukofotlari bilan taqdirlangan. Akademik Flora Inoyatova O‘zbekiston Respublikasining fan va texnika sohasi bo‘yicha 1- darajali Davlat mukofoti bilan taqdirlangan.
Hulkar Hamroyeva

Lug‘at
kashfiyot – открытие
ulkan hissa – большой вклад
nufuzli – влиятельный, авторитетный
mukofot – награда, премия
ahamiyat – значение

87
6- topshiriq. She’rni ifodali o‘qing. Mazmunini so‘zlab bering.

Bir dam o‘tir, onajonim

Tanish eshik, qadrdon uy, jonajon hovli, Ichkariga yo‘llanaman dilim orziqib.

Onam peshvoz chiqar chopib, qo‘lida chovli, Norin solib turgan ekan, shoshib, hovliqib.

Har gal shunday, qaylarnidir kezib kelaman, Munisginam har safar ham bir ish bilan band. Qo‘li tegmas qo‘liga hech, hayron bo‘laman, Qaydan ekan onamdagi shunchalik g‘ayrat.

Yo do‘ppisi tizzasida, qatimi uzun,

Yo tandirga o‘t qalagan patir yopgani.
Eslolmayman, yasan-tusan bir chetda tursin, Qoshlariga bir yolchitib o‘sma tortganin.

Ayvon sari yetaklaydi, so‘rab hol-ahvol,

Par yostiqlar qo‘yar, to‘shar yangi ko‘rpacha.
„Orom olib, bir ozgina uxlab ola qol,
Norinim ham tayyor bo‘lar sen turgungacha“.

O‘zing o‘tir onajonim norining keyin

Qo‘ni-qo‘shni emas gapir avval o‘zingdan. Ichikibsan, sog‘inibsan yana ne deyin
Hammasini uqib oldim shundoq ko‘zingdan.

Tashvishlarim yuzlaringga solibdi ajin,

Yuzginangning madhi o‘zi yetuk bir doston. Beboshligim ko‘zlaringda topibdi aksin,
Ko‘zlaringga qasidalar bitay, onajon!


Muslim Yo‘ldoshev

88

Uyga vazifa. To‘ldiruvchi qanday so‘zlar bilan ifodalanadi. 2 tadan misol keltiring.

1.