A qodiriy nomidagi jizzax davlat pedagogika instituti tarix fakulteti

Investitsiya (nemischa. Investition-kiyintirmoq, yasantirmoq)-mablag‘ni, ma’lum boylikni, qo‘shimcha daromad olish maqsadida ishlab chiqarish yoki boshqa sohaga joylashtirish, mablag‘ sarflash.
Tadbirkorlik va boshqa faoliyatlar turlariga qo‘shiladigan barcha moddiy hamda nomoddiy boyliklar investitsiya hisoblanadi. Bu boyliklar pul vositalari, maqsadli bank omonatlari, aksiyalar va boshqa qimmatli qog‘ozlar; ko‘char va ko‘chmas mulklar (binolar, inshootlar, uskunalar); mualliflik huquqidan kelib chiqadigan mulkiy va nomulkiy huquqlar va boshqa intellektual huquqlar bo‘lishi mumkin.
Tadbirkorlik ishining rivoji investitsiyani talab qiladi. Investitsiya bironta ishga mablag‘ qo‘yishni, sarflashni bildiradi. Investitsiya qilishdan maqsad foyda ko‘rishdir. Investitsiya keng ma’noda pul chiqadigan har qanday ishga mablag‘ qo‘yish, tor ma’noda ishlab chiqarishning moddiy bazasini rivojlantirishdir. Investitsiya ba’zan kapital mablag‘lar yoki kapital sarflar deb ham yuritiladi.
Integratsiya (lot. Integratio-qayta tiklash, to‘lg‘azmoq, integer-yaxlit, bir butun)-biron bir yagona maqsadni amalga oshirish uchun birlashish. Mustaqil xo‘jalik faoliyatining milliy, mintaqa va xalqaro miqyosda o‘zaro birlashib, yaxlit xo‘jalik xolatini tashkil etishi.
Integratsiya siyosiy va iqtisodiy yo‘nalishda bo‘lishi mumkin.
Iqtisodiy integratsiya-milliy iqtisodiyotlarning sifat jihatdan yangi sharoitlarga ega bo‘lishi va mamlakat taraqqiyoti imkoniyatlarini kengaytirish maqsadida ixtiyoriy ravishda birlashishi, bir birlariga o‘zaro ta’sir etishi jarayoni.
Mustaqillikka erishgan har qanday davlat o‘zaro hamkorlik va tenglik asosida ixtiyoriy integarsiyaning yangi shakllari va yo‘larini yarata boshlaydi. Jumladan, O‘zbekiston ham O‘rta Osiyo davlatlari, MDH doirasidagina emas,balki boshqa uzoq SHarq va G‘arb mamlakatlari bilan ham iqtisodiy-siyosiy aloqalar o‘rnatib, asta-sekin bu aloqalarni kengaytirib, mustahkamlab bormoqda.
Intellektual mulk-aqliy mulk-ijodiy aqliy mehnat mahsuli. Fan, adabiyot, san’at asarlari va ishlab chiqarish sohasida ijobiy faoliyatning boshqa turlari, jumladan, kashfiyotlar, ixtirolar, ratsionalizatorlik takliflari, sanoat namunalari, informatsion texnologiyalar uchun programmalar va boshqa aqliy mulk obektlari kiradi.