A qodiriy nomidagi jizzax davlat pedagogika instituti tarix fakulteti

Broker-fond, tovar, valyuta birjalarida oldi-sotdi bitimlari tuzishda vositachilik (dallollik) qiladigan ayrim shaxs yoki firma.
Byudjet (ing. Budget-xalta)-davlatning ma’lum muddatga mo‘ljallab tuzilgan va qonun bilan tasdiqlangan daromadlari va xarajatlari hisobi bandlar bo‘yicha taqsimlangan xujjat. Xarajat qismi daromad qismidan ortiq bo‘lsa, byudjetning taqchilligini bildiradi.
Valyuta (italyancha. Valuta-baho, narx)-muayyan mamlakatning ma’lum og‘irlikdagi oltin yoki kumushga nisbatan qo‘llaniladigan pul birligi. Tarixda valyutalarning oltin, kumush, mis, qog‘oz, xorijiy davlatlar pul birliklari kabi turlari ma’lum.
Grant-ilmiy tadqiqot, tajriba-konstruktorlik ishlarini o‘tkazishda davlat tomonidan moliyalashtiriladigan buyurtma.
Debitor (lot. debitor-qarzdor)-korxona, tashkilot yohud mahkamadan pul yoki mulk qarzi bo‘lgan yuridik yoki jismoniy shaxs.
Dehqon (Fermer) xo‘jaligi-O‘zbekiston Respublikasining “Dehqon (fermer) xo‘jaligi to‘g‘risida”gi qonuniga ko‘ra dehqon xo‘jaligi oilaviy mayda tovar xo‘jaligi bo‘lib, oila a’zolarining shaxsiy mehnati asosida, meros qilib qoldiriladigan umirbod egalik qilish uchun oila boshlig‘iga berilgan tomorqa er maydonida qishloq xo‘jalik maxsuloti etishtiradi va uni realizatsiya qiladi. Dehqon xo‘jaligidagi faoliyat tadbirkorlik faoliyati jumlasiga kiradi. Dehqon xo‘jaligi dehqon xo‘jaligi a’zolarining qaroriga binoan; qonun hujjatlarida nazarda tutilgan hollarda sudning qaroriga binoan tugatiladi.
Divident (lot. dividendus-taqsimlanadigan narsa)-aksioner jamiyat foydasining aksiya egasiga tegadigan, binobarin, uning daromadiga aylangan qismi. Har yili foyda aksionerlar o‘rtasida (soliqlar to‘planib, ishlab chiqarishni rivojlantirish uchun mablag‘ ajratilganidan so‘ng) ularning qo‘lidagi aksiya miqdori va turiga qarab divident taqsimlanadi
Jahon bozori-xalqaro mehnat taqsimotida ishtirok etish orqali bir biriga bog‘langan mamlakatlar o‘rtasidagi barqaror tovar-pul munosabatlari. Jahon bozori XVI asrdan boshlab shakllana boshlangan va XX asr boshlariga kelib bu jarayon tugallangan. Umuminsoniy iqtisodiy aloqalarning mavjudligi jahon bozoriga barqarorlik bahsh etadi. Jahon bozorida ayirboshlash xalqaro narxlarda va xalqaro valyuta vositasida amalga oshiriladi.