A qodiriy nomidagi jizzax davlat pedagogika instituti tarix fakulteti

Zarkent ota ziyoratgohi. Zarkent qishlog'ining yuqorisida – tog' yon bag'rida joylashgan. “Zarkent bobo”, “Qush qo'nmas avliyo” nomlari bilan mashhur bo'lgan ziyoratgoh. Hozirda ziyoratgoh hududi alohida ajratilgan. 2002-2003 yillarda qayta ta'mirlangan. Zarkent ota ziyoratgohidagi tabiiy buloq Zarkent qishlog'ini ichimlik suv bilan ta'minlaydi.

Boboxon ota ziyoratgohi. O'rtasroy qishloq fuqarolar yig'inida joylashgan ziyoratgoh. Aytishlaricha Amir Temur bu erni ziyorat qilgan.

Xo'jai Korsoz ziyoratgohi. Asl ismlari Said Vali bo'lib, X asr oxiri XI asr boshida yashab o'tgan eshonlar naslidan bo'lgan. Mahalliy xalq unga nisbatan “Eshon buva” deb murojaat qilgan. Said Vali hojatbaror, taqvodor va nihoyatda xushmuomala inson bo'lgan. Unga berilgan nom Xo'jai Korsozdan uning usta hunarmand bo'lganini anglash mumkin. Xalq orasidagi rivoyatlarga qaraganda u pichoq yasovchi, sozlovchi usta bo'lgan. Ziyoratgoh tarixi o'rganilmagan. Bu joy faqat bayramlarda ziyorat qilinadi.